Hechos 20:28 - NandevaBiblia

²⁸ Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 20:28 Referans Kwoze

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

1 Corintios 10:32

Avy porãmba pyheshakashu Judio retape, Israelitamba retape, maĩrã Tũpa jytũpao ryheva.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

1 Timoteo 3:5

Hãma hai katũã miñaka kavi hentape iko hãndiarã, marãirapo miñaka kavijy Tũpa jytũpaope?

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

1 Timoteo 4:14

Ñyngarekohe mbai rikatu rijapova Tũpa meẽ nde vekua, Jesús jy'tupao miñaka'iare ipo ñono neãrẽrã vekua. Espiritu Santo kyrã heishu retarã.

Efesios 1:14

Espiritu Santo rãnga hai me'ẽã ñandeva Tũpa ña'apova meẽ verã, opama ñambapy kavi mbyhepya ñandyreheva ñanynohẽajy verã, omomba'ea vasushu verã.

Galatas 1:13

Shara pee pyhenduma marãra she aiko aryka'e Judiore aharã, marãra Tũpa ryhevare amoña'ai pyrãtape hareka ikohahe mbaia verã.

Hechos 20:29

Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.

Hechos 20:17

Miletope imeteri'ẽrã, Pablo hẽnoka tũpaope miñaka'õre, Éfesope'õre ijeta hãndi verã.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Colosenses 4:17

Kyrã pere jyveshu Arquipo: “Eñehãã opa kavi japo Ñandeja meẽ nde vekua rijapo verã”.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

Colosenses 1:14

hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.

1 Corintios 11:22

Mba'etyrapyre pero pykaru hareka pimbyu verãpe? Marã'ĩrãra pimbijiche Tũpa hoope ñymbaty'õre? Mbaivarapo hai pee? Shymbyhoryrapo hokava? Mba'etyiti rãnga!

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Mateo 16:18

Hãrã haijyve, nde hai Pedro. Ko ita ĩãrẽpo amupũã shyrehe jyrojavare, hareka ñymano katuãpo jepyãpohe.

Mateo 2:6

“Nde Belén, Judeape rẽĩva, nimishivẽãmapokui mbavaivi tentare mbytepe. Shara ndyhevipo õhẽ mburuvisha vasu, ñyngarekohe verã shyrẽnta Israel”.

Romano 16:16

Piñymarãndu opaiteva pente jypyte kyambape, jyrojavare jypykuava rãĩmi. Opaite ñandyryvyre jyrojava mondope ñymarãndu.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

1 Timoteo 3:1

Kova hai ñee añeteva: Ĩme'ẽ pota mbai miñaka'iarã, ãñete mbai haikaviva pota japo.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.