Hechos 20:23 - NandevaBiblia

²³ Koñeĩ aikuaava hai, opaite tentare ahavaipi Espiritu Santo heishe shy'ãrõ'ẽvã shymbyperesoha verã hareka heta aiko'asy verã.

Hechos 20:23 Referans Kwoze

Hechos 9:16

She ambyheshakapo heta hasa'asy verã shyreepe jyrojarã.

1 Tesalonicenses 3:3

potãã peeva hasa'asy ẽrã poi jyrojarã. Shara pikuaa kavi kyrãñoĩ jahasa verãrã.

Hechos 21:4

Haipe heshaha a'ãmo Jesús mboireare hareka 7 ara kavi pytaha hãndi reta. Espiritu heishu retarã haire heishu Pablo, potamba oho verã Jerusalenpe.

Hechos 21:33

Hãrã mburuvisha pysykashu Pablo, hareka pokuakashu mokue kadenape; haivi pyrãndushu kuaretare mbavara hai hareka mbaivara japo.

Hechos 21:11

ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

Hechos 8:29

Espiritu Santo heishu Felipe: Ekua hokava kuareta hyvache hareka ñymbojahe.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

1 Timoteo 4:1

Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.