Hechos 20:16 - NandevaBiblia

¹⁶ Kyrã japoha shara Pablo ñatẽy hasa Éfesoperã, shara potãã kỹỹĩte pyta Asiaperã, pota'areã vãhẽ oho Jerusalenpe Pentekoste jy'areterãpe.

Hechos 20:16 Referans Kwoze

1 Corintios 16:8

Tẽvã Éfesope apytapokui Pentecostés jy'aretepeve.

Hechos 2:1

Vãhẽma arete Pentekoste he'iashuarã, opaite jyrojavare penteapeĩ ñymbaty reta.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Hechos 21:4

Haipe heshaha a'ãmo Jesús mboireare hareka 7 ara kavi pytaha hãndi reta. Espiritu heishu retarã haire heishu Pablo, potamba oho verã Jerusalenpe.

Hechos 20:22

Ã'ẽ ahapo Jerusalenpe, shara Espiritu Santo kyrã heisherã, aikuamba'ãĩva mbaivara shy'ãrõ'ẽ haipe.

Hechos 20:13

Ore ñymytynondeharã ohoha varkope tentami Asonpeve, haipe hupihajy verã Pablo hai hei oreva rãĩmi, shara hai pota yvyipĩĩ oho.

Hechos 20:6

Tẽvã ore õhẽhã Filipoivi varkope, arete pãhã jy'oumbava ryheva hasamarã, hãrã pandepo aravape hipityhashu reta Troaspe, haipe shiu (7) ara pytaha.

Hechos 18:21

Koñeĩ hei: Aipota rãnga Jerusalenpe ahasakui ko arete ouva. Tẽvã Tũpa heirã aipo apyryreshajykui. Haivi Pablo jupi varkoperã oho Éfesoivi.

Hechos 18:19

Vãhẽma jyraha Éfesoperã, Pablo heja Priscila hareka Aquila, haivi oho Judiore ñymbatyseape, haipe ijetashu reta Judiore haipe ñymbaty'õre.

Hechos 12:13

Haivi pe kyty'õ õnche nunuparã, õhẽ pente kuñatãĩ Rode he'iashua hesha verã mbavara.

Hechos 16:6

Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 19:1

Apolo ẽẽ teri Corintoperã, Pablo hasa tentami retaipirã vãhẽ oho Éfesope. Haipe hesha mbovy Jesús mboireare,

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

Hechos 20:18

Opama vãhẽ jyveru retarã heishu: Pee pikuaa marãra aiko jypyite ãvãhẽ'ai ko Asiaperã.