Hechos 2:17 - NandevaBiblia

¹⁷ Tũpa hei: Ara koñymaheape, ãñohẽpokui opaite kuaretare ĩãrẽ she Espiritu, pyndyrayre hareka pyndyrajyre mbeupokui Tũpa ĩñee, kunumire heshapokui mbai heshamba iko verã hareka kuakuavare jypaihupe aijetaposhukui.

Hechos 2:17 Referans Kwoze

Hechos 10:45

Hãma Judiovare Jopeivi Pedro ou hãndi vekuare mbypy'ãã heshama Espiritu Santo vejymahe haimba Judiova retarerã

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

Lucas 3:6

Opaite kuaretare heshapo, pyrỹmondojepeva Tũpa mbouva.

Hechos 21:9

Felipe ĩmere urũndy tajy nde'iave ĩmevare, hai reta jyve mbeuñoĩva Espiritu Santo heshakashuva.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Santiago 5:3

Ita verava ijuva hareka ita vera tĩĩva ĩmepyreva opa jai hareka jaiikue haipo jere pyndyrehe hareka tata rãĩmipo pyndyroo karuhe. Mbai hehepy vekua pymbatypi ara opamapo'ia.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

Hechos 2:16

Tũpa ĩñee mbeu'ia Joel hei vekuaĩ rãnga iko:

Hechos 2:18

Hoka arape shyryhevare ajokue'areare kuimbai hareka taupere ĩãrẽ ãñohẽpo jyvekui she Espiritu, hãrã mbeupo retakui mbaivara iko.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.