Hechos 2:10 - NandevaBiblia

¹⁰ Frigia, Panfilia, Egipto, Libia Sirene hyvache'õ ouva jyve, hareka ĩme'ẽ jyve Romaivi ouva kope iko'iare;

Hechos 2:10 Referans Kwoze

Hechos 16:6

Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 18:23

Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.

Hechos 15:38

Tẽvã Pablo pya ohoãhe raha verã, shara hejareimba reta Panfiliape jyrerã shara ñateỹmba jyraha hipi mba'apo verãpe.

Hechos 13:43

Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 13:13

Pablo ñi'ĩrũre hãndi jyraha varkope Pafosvi, tenta Perge Panfiliakyty, tẽvã Juan yngaty ohojyshi reta hãrã oujy Jerusalenpe.

2 Timoteo 1:17

tẽvã Romape vãhẽrã hai shyreka'i putuumbape shyreshapeve.

Romano 1:15

Hãme rãnga shykyrẽ'yĩte aha ambeu jyvepe Ñee Kaviva Romapepeĩva.

Hechos 27:5

Hasahama yyvasu hymbeypi Silisia hareka Panfiliaperã, vãhẽhã Mirape, tenta ẽvã Liciape.

Hechos 14:24

Haivi hasa Pisidiapirã vãhe reta Panfiliape.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Marcos 15:21

Pente kuimbai Cirenepe'ia Simón he'iashua, Alejandro hareka Rufo tuu, ñũũvi oujyva, haipi hasa ohorã, mbyrahaka reta Jesús jukurusu.

Mateo 27:32

Õhẽ jyjaha retarã, ñyvãiti hãndi reta pente kuimbai Cirenepe'ia Simón he'iashua; mbyrahaka reta Jesús jukurusu.

Apocalipsis 11:8

Hetekuere jypypysopo oho tentavasu hape retaipi, hoka tentape Ñandeja kurusure mbysavavaha hãndi vekuape, mbyheea rã'ãngava Sodoma hareka Egipto he'iashuva.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Hechos 28:15

Haivi Jesús jyrojaheare Romape'õre, kuamaimba reta hãrã jyveru ỹrymyvãhẽ reta Foro Apiope hareka “Mbahapy Tabernas” he'iashuapeve, Pablo heshamarã, meẽshu gracia Tũpa hareka kyrẽ'yjy.

Hechos 18:2

Haipe ijesha hãndi pente Judio Aquila he'iashua yvy Pontope'õ, hãĩrãã oujy hyreko Priscila hãndi Italiaivi, shara huvisha Claudio ñonombashu reta opaite Judiovare mohẽhajy verãre Romaivi. Pablo oho maĩhe reta,

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 6:9

Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Mateo 2:15

Haipe pyta reta Herodes manopeve. Kyrã jehu iko verã hekope kavi Ñandeja hei vekua, Tũpa ĩñee mbeu'ia rupii: “Egiptoivi ãheno shyray”.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Mateo 23:15

Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

Hechos 2:11

ore Judio hareka haimba Judiore jyrojaheva Tũpa. Ĩme'ẽ jyve kuareta Creta hareka Arabiaivi ouva. Opaitea ñahendu ñaniñeepetei õmombaishu Tũpa opaite mbai vasu japo vekua rehe.

Hechos 17:21

Shara opaiteva Atenaspe'iare, hareka tenta yngaivi ouva haipe iko'iare, haire koñeĩ jypykuaa mbeu hareka hendu mbai py'ahuva.