Hechos 19:29 - NandevaBiblia

²⁹ Ikoma kuavẽãpy reta, opa ikorai reta hoka tentape'õre, pysy reta Gayo hareka Aristarco, mokue kuimbai Macedoniava mĩ'ĩrũ jyreva Pablo, hareka mbytyryry raha reta oo vasu ñymbatyhase'õpe.

Hechos 19:29 Referans Kwoze

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

Filemon 1:24

Hareka jyve Markos, Aristarko, Demas hãndi Lucas shymbory'iare mba'apope.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

Hechos 27:2

Haivi jupiha varko Adramitiova, ohoha verã tenta Asia hymbey kyty. Ĩrĩmi'ĩrũ jyve Aristarco, tenta Tesalonicaivi ouva, pente tenta Macedoniape'õ.

1 Corintios 4:9

She pevarã, ore apostol Tũpa taykue'ãmo ĩrĩñono, jukaha verãĩma'õ rãĩmi, ore rãnga hai ko yvy'ĩãrẽ kuaretare jojeha verã rãĩmi hareka Tũpa jokuevare pevarã jyve.

1 Corintios 1:14

She avy'a hãndi Tũpa mbavẽã pynymbytepe amyngarairã, koñeĩ Crispo hareka Gayo amyngarai.

Romano 16:23

Pynymarãndu Gayo, shymyhendava hareka opaite tũpaore. Erasto mymarãndu, hokava tentape kyrypoti ñyngareko'ihea hareka ñadyryvy Cuarto.

Hechos 21:30

Opaite hokava tentape'õre ikorai hareka ñani ou reta. Hãma pysy reta Pablo hareka mbytyryry tũpaoivirã õche mbotyraveĩ reta.

Hechos 19:22

Hãrã mondo mokue mborysereare Macedoniape, Timoteo hareka Erasto, hai pytave teri ẽẽ Asiaperã.

2 Corintios 8:19

Ha'ẽã kovaĩ, Jesucristore jyrojavare yngava tũpaope'õre pyhỹrõjy reta ohoa hãndi verã, hareka yrỹmbory rahaha verã hareka ñyngarekohahe kova pymbatyva Ñandeja pota ñamombairã, hareka jaheshaka pota ñapyrỹmboryva.

Hechos 21:38

Ha'ẽãra nde Egiptope'õ kueveĩ rũpurũmupũã vekua mburuvisha retare hareka raha yvy ikoambaivi 4.000 ñyrãrõ'iare?

Hechos 20:34

Kyrãte verã, sheteiva amba'apo, apity verã mba'etysheare hareka shimi'ĩrũ'iare pevarã jyve.

Hechos 19:32

A'ãmo haipe ñymbaty'õre sapukerã yngai hei'i, ĩrũre kyrãĩjy yngai hei'i, shara kuaretare kuãã japo verã opa ikorai reta hareka a'ãmore kuãã reta mbai verãra ñymbaty reta.

Hechos 17:8

Henduma reta kovarã, kuaretare tentape'õre hareka huvishare opa poshy hareka hẽndaveã reta.

Hechos 16:9

Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Hechos 13:5

Hãrã vãhema jyraha Salamina he'iashuaperã, oñepyrõ Tũpa ĩñee mbeu reta Judiore ñymbatyseape oho jyve hipii reta Juan mborype veĩverãre.

Hechos 16:12

Haivi ohoajy Filipospe, hai tenta tynonde'õ Macedoniape. Haipe mbovy ara pytaha.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

3 Juan 1:1

She Juan, akuakuamava ambyparashu kova kuatia, shyryvy Gayo añete ahaihuva.