Hechos 18:28 - NandevaBiblia

²⁸ shara heshaka opaite Judiore hỹnonde haire javyvape, mbyheshaka kavi reta Mbyparahava rupii Jesús haiva Mesia.

Hechos 18:28 Referans Kwoze

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Hechos 9:22

Tẽvã Saulo ñymypyrãta jyvyĩ ijeta Espiritu Santo ñymbai katupy mbeu Jesús haiva Mesia, tẽvã Judiore Damascope'õre kuaakaviã reta.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Hechos 18:25

Hai mbo'eha kavihe Ñandeja hape, kyrẽ'ype pyrỹmboi hareka mbeu kavi Jesús ryheva, ajemaĩ koñeĩ kuaa Juan ñymyngaraiva ryheva.

Lucas 1:80

Hãma sanjay pukumã oho'i, ñymypỹrãtajyvỹĩ ijespiritupe; hãrã iko'i yvy ikoambaipi vãhẽpeve ara ijeshakashu verã Israelvare.

Hechos 8:35

Hãrã Felipe õñepyrõ mbeu kavishu ko mbyparahavape'õ mbijetavaivi, hareka mbeushu Ñee kaviva Jesús ryheva.