Hechos 18:25 - NandevaBiblia

²⁵ Hai mbo'eha kavihe Ñandeja hape, kyrẽ'ype pyrỹmboi hareka mbeu kavi Jesús ryheva, ajemaĩ koñeĩ kuaa Juan ñymyngaraiva ryheva.

Hechos 18:25 Referans Kwoze

Hechos 19:3

Hãrã Pablo pyrãndushu reta: Mãrãva ñymyngaraira pijapo? Haire heishu: Juan pyrymyngaraivape.

Romano 12:11

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

Hechos 19:23

Hokava arape tape py'ahuva rehe, iko porãmbava tivishava,

Hechos 19:9

Tẽvã a'ãmore pya mytãta hãrã ñatẽy roja reta, hareka ijeta porãhe reta Tape Py'ahuva kuaretare hỹnonde. Hãrã Pablo syryshi reta hareka raha mbo'ehareare pente kuareta Tirano he'iashua pyrỹmboi'õpe. Haipe opa ara ijetashu reta.

Hechos 9:2

jurureshu kuatia oho verã Judiore ñymbatyseape Damascope, potañoi vãheshu raha mbyperesoka verã Jerusalenpe opaite õiva Pe py'ahuvape kuimbai hareka taupeivive.

Marcos 12:14

Kovare ohorã heishu reta: Pyrỹmboi'ia, kuaaha rãnga niñee añeteĩtevarã, rỹmbyvapyã ndijehe kuaretare hei ndeva, rỹma'ẽãhe marãva kuaretara, ãñete rypỹrỹmboihe Tũpa hape. Haikavira mẽ'ẽhashu kyrypoti mburuvishavasu Cesar, maĩrã, mba'ety? Mbyhepyaraposhu, maĩrã, mba'ety?

Santiago 5:16

Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

2 Timoteo 2:4

Mba'ety syndarorã'ia yngava maĩnunga japojy verã, shara juhuvisha heivaĩpo japoshu.

Hechos 16:17

Kova kuñataĩ ou iripii hareka Pablo, sapuke: Kova kuimbai reta rãnga hai Tũpa vate õ jokueva, haire mbeupe ohojepeva hape.

Hechos 13:10

heishu: Nde tykove japu heko porãmba Ãña tay hareka mbai kaviva ñymbyvaisho'ihea, mbaipera rypoipo rĩmbivavy Ñandeja hape symỹi kaviva?

Lucas 7:29

Opaite kuareta henduvare hareka kyrypoti mbatyse'iare Roma pevarã ñymyngaraikashu reta Juan, kuaakavi mondo reta Tũpa heko kavivarã.

Marcos 1:3

Ñyhendu pente ñee sapuke'ia yvy ikoambaipi: “Pymyhẽvã Ñandeja haperã, pypeashu pente tape symyĩ'ova”.

Lucas 1:4

rikuaa kavi verã opa mbai añeteva nymbo'eaheva rãĩmi.

Hechos 18:26

Apolo õñepyrõ kyjembape ñimiñee Judiore ñymbatyseape, tẽvã Priscila hareka Aquila hendurã rahashu reta hã'ẽĩ'õpe, mbeu kavivejyshu reta Tũpa hape.