Hechos 18:21 - NandevaBiblia

²¹ Koñeĩ hei: Aipota rãnga Jerusalenpe ahasakui ko arete ouva. Tẽvã Tũpa heirã aipo apyryreshajykui. Haivi Pablo jupi varkoperã oho Éfesoivi.

Hechos 18:21 Referans Kwoze

1 Corintios 4:19

Tẽvã Cristo heimarã areãpo aha apyryreshakui, haipepo aheshakui ko jyroja'ẽ ijehevare, añetera haire ĩmere Tũpa ñymbaikatukue.

Santiago 4:15

Haikavivepo kyrã peveĩ pererã: “Ñandeja potarã, ĩmehaĩteripo'ikoakui hareka japohapo kova, maĩrã hoka'õ”.

Hebreos 6:3

Kova hai jajapo verã, añete Tũpa hei ñonoma ñanderã.

Romano 15:32

hãrãpo, Tũpa potarã, vy'ape ãvãhe ahesha retakui hareka katuma pynypãũpe.

Romano 1:10

hareka airure asyñoĩ Tũpape ñono she verã hai potamarã aha apohype verã.

Hechos 20:16

Kyrã japoha shara Pablo ñatẽy hasa Éfesoperã, shara potãã kỹỹĩte pyta Asiaperã, pota'areã vãhẽ oho Jerusalenpe Pentekoste jy'areterãpe.

1 Pedro 3:17

Tũpa kyrã potarã, haikavive jahasa'asyhe mbaikavi jajaporã, porãmba jajapotẽ verã vekuaivi.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

1 Corintios 16:7

Shara potãã ahasa haipirãmeĩ apyryreshakui, aipota rãnga mbovy ara apyta penendiekui, Ñandeja kyrãma heirã.

Hechos 21:14

Katuvẽãma jepyaherã, ijyjokohashi hãrã he'iha: Tiko Ñandeja potava.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 15:29

Avy peu mymba hoo me'ẽãva tarã'ãnga retape, tuvy, mymba javokahava hareka avy pypyrẽno ndeiteri pemendaheape. Haikavipo pijapokui kova pijijokoshirã. Kova haipeveima.

Lucas 9:61

Haipe ĩrũ heishu: Sheja, pota rãnga ahave ndipii, tẽvã mã'ẽĩshyre taharãni tambeushu ãĩmoña hãndiare.

Mateo 26:39

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Marcos 6:46

Opajyma mondorã, Jesús ohojupi yvyturusure ñymboishu verã Tũpa.

Hechos 18:19

Vãhẽma jyraha Éfesoperã, Pablo heja Priscila hareka Aquila, haivi oho Judiore ñymbatyseape, haipe ijetashu reta Judiore haipe ñymbaty'õre.

Hechos 18:20

Haire jurureshu reta mbovy aramive pyta verã haipe, tẽvã Pablo ñatẽy pyta.

Hechos 18:24

Hoka arape vãhẽ Éfesope pente kuimbai Judiova Apolo he'iashua, tenta Alejandriape'õ. Ĩñee katui'ia ijetarã myrỹkey kuaretare hareka kuaa kavi Mbyparahava Tũpa ĩñee.

Hechos 19:1

Apolo ẽẽ teri Corintoperã, Pablo hasa tentami retaipirã vãhẽ oho Éfesope. Haipe hesha mbovy Jesús mboireare,

Hechos 19:17

Opaite Éfesope'iare, Judiova hareka haimba Judiovare, kuaama reta kovarã opa kyje reta hareka õmomba'ea vasu Ñandeja Jesús hee.

Hechos 21:29

Shara heimba reta heshavare tenta Trofimo Éfesope'õ hareka mõãte Pablo rahashu reta tũpaope.

1 Corintios 15:32

Aĩrãrõ hãndi kuimbai rãĩmi Éfesope mymba ñarõ vekua rãĩmiva, mbaivara ãmbijehupy hokava? Mano vekuare kuerajyvyarã, haikavive jajapo ã'ãmore heiva rãĩmi: Jakaru hareka ñaimby'u, paremapo opa ñamano.

1 Corintios 16:8

Tẽvã Éfesope apytapokui Pentecostés jy'aretepeve.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi: