Hechos 18:18 - NandevaBiblia

¹⁸ Tẽvã Pablo heta arave pytajy Corintope, koñy marãndushu Jesús jyrojaheare, hãma jupi reta varkope Priscila hareka Aquila hãndi oho verã Siriape. Haivi tenta Cencreape Pablo ñakã mysãka japo verã ĩñee meẽshu vekua Tũpa.

Hechos 18:18 Referans Kwoze

Hechos 21:24

Ekua ijohe hãndi retakui, mbyhepyhe retakui ñakã mysãka verãre. Kyrãrãpo kuakavi retakui ãñetembava he'ia ndyreherã, kyrãtevẽrã rijapo kavi jyve Moisés mbypara vekuape heiva.

1 Corintios 9:20

Hãme rãnga ãĩme'ãĩ Judiore mbyteperã, haire rãĩmi aiko jyve, aru verãre Cristo pevarã, hokava he'ise Moisés mbypara vekua japo'iare. Sheteiva rãnga ãñiñono jyve hokava mbypara vekua'ipe, ajemaĩ he'iambatẽsheva ajapoñoĩ verã, kyrã ajapo apity verã jyve Moisés mbypara vekuaĩ japo'iare.

Romano 16:1

Hai pee ñaniindy Febepe, hai tũpaope mba'apo'ia Puerto Cencreape.

Hechos 18:2

Haipe ijesha hãndi pente Judio Aquila he'iashua yvy Pontope'õ, hãĩrãã oujy hyreko Priscila hãndi Italiaivi, shara huvisha Claudio ñonombashu reta opaite Judiovare mohẽhajy verãre Romaivi. Pablo oho maĩhe reta,

Galatas 1:21

Haivi ahajy Siria hareka Cilisia jy'yvyipi.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 21:3

Hasaha ohoarã mbyryivi heshaha isla Chipre he'iashuva, hejaha yrasu kytyrã ohohaĩ Siriapeve. Hareka varkope rahahava mbyvejyhapo'ẽ Tiroperã, haipe icheha jyve.

Hechos 18:26

Apolo õñepyrõ kyjembape ñimiñee Judiore ñymbatyseape, tẽvã Priscila hareka Aquila hendurã rahashu reta hã'ẽĩ'õpe, mbeu kavivejyshu reta Tũpa hape.

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Marcos 6:46

Opajyma mondorã, Jesús ohojupi yvyturusure ñymboishu verã Tũpa.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 18:27

Hãrã Apolo ohomapo'i tenta Acayaperã, Jesús jyrojaheare heta mykyrẽyshu reta. Hãrã mbyparashu reta kuatia Jesús mboireare haipe'õre myvãhẽ kavi verãre haipe. Vãhẽma oho Acayaperã heta mbory jyve Tũpa pya kavi rupii jyrojavare,

Hechos 21:23

Kyrãrã haikavivepo rijapo ore he'iandeva, yrymbytepe ĩme'ẽ jyve urũndy kuimbaire meẽva ĩñee Tũpape.