Hechos 16:9 - NandevaBiblia

⁹ Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Hechos 16:9 Referans Kwoze

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Romano 15:26

Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

Hechos 20:1

Kuareta opa ikoraiva opamarã, Pablo hẽnoka Jesús mboireare mbarakuaashu verãre, hareka opama ñimiñeeshurã ñykuãkuãvãjy hãndi reta, haivi oho Macedoniape.

1 Tesalonicenses 4:10

Kyrã rãnga pijapohe opaite pyndyryvyre ẽẽva tenta Macedoniape. Tẽvã jururehajype shyryvyre pijyhaihukue tupuãve toho opa ara.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

2 Corintios 8:1

A'ẽ shyryvyre, aipota ambeupe marãra Tũpa heshaka jyhaihukue hareka pya kavikue tũpao retape ẽvã Macedoniape.

2 Corintios 7:5

Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.

Hechos 20:3

Haipe pyta mbahapy jasy. Hareka varkope ohoserima'ia Siriape, kuaa Judiore ĩñee ñono ñynoĩhearã, hãrã hei yvyipĩĩ oujy verã Macedoniaipi.

Hechos 10:30

Kornelio hei: Japoma 4 ara, kuijavepe'ãmo mbahape oravape, sheii shyrẽtape mbaimba hau ãĩva ka'arurã, mondii pente kuimbai mondeva opaĩ hĩmbipeva ijeshakashe.

Hechos 10:3

Pente ara, ka'arumarã mbahapy oravape hesape ouva, hesha kavi pente Tũpa jokueva ou hai ẽvãperã heishu: Kornelio!

Hechos 9:38

Katynga Lida mbyryã'ẽshi Joperã, Jesús mboireare kuaama Pedro haipe'ẽrã mokue kuimbai mondo reta heishu verãre: Narẽ'ãĩte ei Jopepe.

Hechos 16:10

Haivi Pablo heshama hesape'orã, opa ravẽi õĩã kavi ohoha verã Macedoniape, shara kuaaha kavi Tũpa ỹrỹrẽno haipe ohoa mbe'ua verã Ñee kavivarã.

Hechos 16:12

Haivi ohoajy Filipospe, hai tenta tynonde'õ Macedoniape. Haipe mbovy ara pytaha.

Hechos 19:22

Hãrã mondo mokue mborysereare Macedoniape, Timoteo hareka Erasto, hai pytave teri ẽẽ Asiaperã.

Hechos 19:29

Ikoma kuavẽãpy reta, opa ikorai reta hoka tentape'õre, pysy reta Gayo hareka Aristarco, mokue kuimbai Macedoniava mĩ'ĩrũ jyreva Pablo, hareka mbytyryry raha reta oo vasu ñymbatyhase'õpe.

Hechos 27:2

Haivi jupiha varko Adramitiova, ohoha verã tenta Asia hymbey kyty. Ĩrĩmi'ĩrũ jyve Aristarco, tenta Tesalonicaivi ouva, pente tenta Macedoniape'õ.