Hechos 16:6 - NandevaBiblia

⁶ Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 16:6 Referans Kwoze

Hechos 18:23

Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.

Galatas 1:2

She hareka opaite ñandyryvyre pynymarãndu pee tũpao reta Galaciape peĩva.

Hechos 16:7

Vãhẽma jyraha Misiaperã, pota jyraha jyre Bitiniape, tẽvã Jesús jy Espiritu ñonoãshu reta.

Hechos 11:12

Hãrã Espiritu Santo heishe aha hãndi verãre kyjembape, hãrã oho jyve shendie 6 ñandyryvy Jesús jyrojaheare, opaiteva icheha pente kuimbai hoo ipe.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Hechos 19:10

Mokue ãño kavi kyrã japo, hãrã opaite ikovare yvy Asiape, hendu Ñandeja ĩñee.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

2 Timoteo 1:15

Rikuama rãnga tenta vasu Asiape'õre opa shyreja retarã, ẽẽ jyve Figelo hareka Hermógenes.

2 Corintios 1:8

Shara shyryvyre, pota pikuaa jyve marãra hasaha'asy Asiape. Jyvarehaite yryreherã, hãĩmeĩ hasahashi, hareka ñymo'ãveãma õhẽhashi verã hokava tykove ryheve.

1 Corintios 16:1

Ã'ẽ aipota aijetahepe kyrypoti mbatyhakava tyryvyre Cristo ryheva kyambare pevarã, pijapo jyve tũpao Galaciape'õre ajapokashua rãĩmi.

1 Corintios 12:11

Opaite kova Espiritu Santo koñeĩ'õ japo, meẽshu pepenteĩ kuaretare hai potava rãĩmi.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 20:16

Kyrã japoha shara Pablo ñatẽy hasa Éfesoperã, shara potãã kỹỹĩte pyta Asiaperã, pota'areã vãhẽ oho Jerusalenpe Pentekoste jy'areterãpe.

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

Hechos 10:19

Hãma Pedro ĩmeĩteri pya mbijeta'ẽ hesape ouvarã, Espiritu Santo heishu: “Mãĩhe, mbahapy kuareta ndyreka ñynoĩ.

Lucas 1:2

ỹrymboiva rãĩmi jypyiterãvãĩ hesha vekuare, hareka pyrỹmbory mbe'ua verã Ñee kaviva.

Hechos 6:9

Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,

Hechos 8:29

Espiritu Santo heishu Felipe: Ekua hokava kuareta hyvache hareka ñymbojahe.

Hechos 21:27

Tẽvã opaserima mboty 7 arape opa verãperã, Judiore tenta Asiape'õre hesha reta Pablo tũpaope, hareka opa ikorai retarã opa ñymomohẽ kuaretare. Pysy reta Pablo

Romano 16:5

Kyrãmi jyve, pymarãndu jyve she ñandyryvyre ñymbatyva Priscila hareka Áquila hentape. Pymarãndu shi'ĩrũ ahaihuva Epéneto, hai jyve tynondeite Cristore jyrojava Asiape.

1 Corintios 16:19

Tũpao Asiape'õre pynymarãndu, Aquila hareka Priscila, hareka jyve opaite Jesús jyrojaheare hai hentape ñymbaty'õre pynymarãndu jyve Ñandeja heepe.