Hechos 16:34 - NandevaBiblia

³⁴ Haivi raha hentape myngaru verãre, hareka vya henta ĩrũre hãndi, Tũpa jyrojamavehe retarã.

Hechos 16:34 Referans Kwoze

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Filemon 1:7

Avya ãĩ hareka shymykyrẽỹ jyhaihu ĩmeryreva, shara nde shyryvy pyape rỹmykyrẽỹjyshu reta Tũpa ryhevare.

Romano 5:11

Hãrã Tũpa ñanymbyvy'ama jyve, katy ã'ẽ me'ẽã ñande ñaĩkavijy hãndiva Ñandeja Jesucristo rupii.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Filipenses 4:4

Pyvyañoĩpo Ñandejare opa ara. Hai jyvyĩ pee: Pyvy'a.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Hechos 11:14

hai heipo ndekui marãra katu rehojepe ndee hareka nysanjayre hãndi”.

Hechos 8:39

Haivi yy õĩjymashi retarã, sapy'aĩ Espiritu Tũpaivi ouva, ou rahashu Felipe, hãrã karai eunuco hesha veamashu; tẽvã vy'a ryheve ohojy pehupi.

Lucas 19:6

Zakeo vejyravĩ hãrã horype myvãhẽshu Jesús.

Lucas 15:32

Haikavi rãnga javya pãveĩterã hareka ñandyrory, shara ko ndyryvy manomatẽ vekua, tẽvã hykovejy; kañytẽ vekua, hareka ã'ẽ heshahajy”.

Lucas 5:29

Haivi Leví japo karuvasu hentape Jesús pevãrã, heta'ẽjyve kyrypoti mbatyse'iare Roma pevarã, hareka ynga kuaretare vapy ñynoĩ hãndi mesape.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Hechos 16:35

Kõĩmarã huvisha pirĩmbivache'ia mondo syndaro ñyngareko'i pyryrehevare he'ikashu verã mbyperesoava ñyngareko'iheare juhuvisha: Opa mohẽjy hokava kuimbaireta.