Hechos 13:48 - NandevaBiblia

⁴⁸ Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Hechos 13:48 Referans Kwoze

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

Romano 11:7

Hãmera, mbaivara? Israelitare vãhẽãshu reta haire hekava, tẽvã pyhỹrõãvare vãhẽshu hai, hareka ĩrũre Tũpa pya mytãntashi hai,

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Efesios 1:19

hareka ojaimbava, japyãvãĩjy ñymbai katukue, mba'apo ñandyrehe jairojava. Tũpa ñymbai katukue japyã; hokava mbaikatupy.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Hechos 22:10

Hãrã apyrãndushu: “Mbaivara katu ajapo, Sheja?” Hãrã Ñandeja heishe: “Pũ'ã hareka ekuaĩ Damascope, haipepo mbe'uhandekui rijapo verã”.

Lucas 7:8

She rãnga ãĩ jyve mburuvisha ipope, hãrã ĩme are jyve syndarore shepope. Haishu penteva oho verãrã, oho; hãma ĩrũre haishu ou verãrã, ĩme'ẽ ajapokashu verã jokuehareirearã, japo.

Romano 13:1

Opaitevapo ñaĩñyñono mburuvishare ñonohavare ipope. Shara mba'ety mburuvisharã'õre oumbaa Tũpaivi, hai rupii rãnga ñonoha reta.

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 20:13

Ore ñymytynondeharã ohoha varkope tentami Asonpeve, haipe hupihajy verã Pablo hai hei oreva rãĩmi, shara hai pota yvyipĩĩ oho.

Mateo 28:16

Hãrã 11 mboireare jyraha Galileape, yvyturusu'õpe Jesús heishuvape.

2 Tesalonicenses 3:1

Koñemahea, shyryvyre pirurejyve yryrehe, Ñandeja Jesús ĩñee narẽã tymyvãhẽha oparupi, hareka kuaretare tyroja hãrã tijapo, pee pijapova rãĩmi.

1 Corintios 16:15

Shyryvyre pee pikuaakavi Estéfanas henta'ĩrũre hai tynondeite jyrojava Acayape, hareka haire mboryñynoĩ opaite ñandyryvy jyrojavare.

Hechos 15:31

Mbijetama retarã, opa vyajy jyre shara haikavishu reta.

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Hechos 13:42

Hãrã Pablo ĩrũre hãndi õhẽma Judiore ñymbatyseaivirã kuaretare jururejyshu ĩrũ putu'uava arape ijetajyheshu verã kova.

Hechos 8:8

Hãrã hai rehe opaite hokava tentamipe õre vy'aite jyre.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Hechos 13:12

Hãrã mburuvisha ko jehuva heshamarã, roja, shara mbyrymaĩhe Tũpa ĩñee pyrymbo'eaheva ryheva.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Efesios 1:5

arykaivaĩ ñandyraihuiterã ñanypyhỹrõ hareka ñandyreky jaiko verã ta'yrãveite Jesucristo rupii, shara kyrã japo Hai potava rãĩmi.

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.