Hechos 13:3 - NandevaBiblia

³ Haivi opama karumbape hareka jurureape ñynoĩrã ipo ñono'ĩãrẽ retarã ma'ẽĩhe oho.

Hechos 13:3 Referans Kwoze

Hechos 6:6

Haivi veru reta Apostolre ẽvãpe, hãmã haire ñymboishu Tũpa, hãrã ipore ñaka ĩãrẽ ñono.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

1 Timoteo 4:14

Ñyngarekohe mbai rikatu rijapova Tũpa meẽ nde vekua, Jesús jy'tupao miñaka'iare ipo ñono neãrẽrã vekua. Espiritu Santo kyrã heishu retarã.

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

3 Juan 1:8

Ñande ñamboryposhu reta, ñambeu handi verãre Tũpa ĩñee añeteva.

1 Timoteo 5:22

Avy are'ãĩte ñono ĩãrẽ ndepo rỹmbyhee verã tũpaope mba'apo verã, ndypya rĩmbijeta kavimba terivape. Avy mi'ĩrũhe mbai porãmba japo'iare. Ñyngareko ndijehe ndykove kyamba verã.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Hechos 14:26

Hãrã haivi jupi reta varkope hareka jyraha reta Antioquiape, hokava tentaivi mondohaka reta mbai kaviva pevarã hareka ñonoshu verã Tũpa ipope japo verã Tũpa japo vekua.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

2 Timoteo 1:6

Hãrã airurende, rỹmykyrẽyjy verã Tũpa meẽ nde vekua, shepo ãñono ndyreherã vekua.

Hechos 15:40

hãma Pablo pyhỹrõ jyve Silas. Haipe Jesure jyrojavare ñonoshu reta Ñandeja ipoperã, jyrahajy,

3 Juan 1:6

Opaite ñandyryvyre mbeu reta tũpaope ñymbatyrã, mãrãra ryhaihushu reta. Haikavitevepo rỹmboryshu opaite maĩnunga mba'etyrevape ohojyseve verãre pehupi. Japo kova Tũpa mbyvyashu verã.

Hechos 9:17

Ananías oho iche oo Saulo ẽvãpe, ipo ñonohẽrã heishu: Shyryvy Saulo, Ñandeja Jesús ijeshakandeje Damascope reirã. Hai shymbou kope ai verã, ryheshajy verã hareka nytynyhe verã Espiritu Santo.

Lucas 2:37

tẽvã japoma 84 ãño ĩme manoshia. Õhẽmbava tũpao vi, ara hareka pyhare karumbava, ñymbo'e Tũpape õmombairã.

Hechos 1:24

Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,

Hechos 13:4

Hãrã Espiritu Santo mondoshu Bernabé hareka Saulo, hãrã jyraha Seleusiape haivi jupijy reta varkope jyraha Chipre kyty.