Hechos 13:15 - NandevaBiblia

¹⁵ Judiore ñymbatyseape'õ mburuvishare opama miñee Moisés mbypara vekuarã hareka Tũpa ĩñee mbeu'iare, he'ikashu reta: Shyryvyre ĩmepyre pota kope'õre pereshuvarã ã'ẽ katuma pere.

Hechos 13:15 Referans Kwoze

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.

Hechos 15:21

Shara opaite tenta retaipi rãnga, mbijetañõĩmba aryka'e Moisés mbypara vekua, sabadope Judiore ñymbatyseape.

Marcos 5:22

Vãhẽ ou Jesús ẽvãpe pente mburuvisha Judiore ñymbatyseape'õva Jairo he'iashua, heshamarã ĩñesu hỹnonde.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Hechos 22:1

Terure hareka tyryvyre, pyhendu ko hai shijeheva.

Hechos 18:17

Hãma opaitea ou ĩãrẽ reta Sostenes Judiore ñymbatyseape huvisharã'õ, hãrã haipe nũpa jyre huvishare hỹnonde, tẽvã Galion mba'eãshu.

Hechos 13:27

Jerusalenva hareka juhuvishare kuããshu Jesús, hareka kuãajy Tũpa ĩñee mbeu'iare ĩñe'ẽkue mbijetava Judiore ñymbatyseape putu'uhava arape. Hãrã hai retatei ñonovaimashu Jesús, japohe reta ñĩmĩñee'iare jykuatiape ẽvekuarã.

Hechos 20:2

Opama vata hoka yvy retaipirã, hareka hetama mykyrẽyshu jyrojava retarã, ohojy Greciape.

Hechos 18:8

Hãrã Crispo sinagogape mĩñakã'õ hareka opaite hentape'õre jyroja jyvehe Ñandeja, hareka heta Corintovare hendu hokava ñeerã, rojarã, ñymyngarai jyve reta.

Hechos 15:7

Hetama ijeta pohy ijupe retarã, Pedro ñymbourã heishu reta: Shyryvyre, pee pikuaa Tũpa jypyivivãĩmba pynymbyteivi shypyhyrõ ambeu verã Ñee kaviva, jyrojambare hendu verã hareka roja verã.

Hechos 7:2

Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,

Hechos 2:37

Ñymbaty'õre hendu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo?

Hechos 2:29

Shyryvyre, tambeu kavi pee ñanytynondeva David rãnga mano hareka ñotyha, hãma ñotyha vekuape ĩmeĩteri'ẽ ñanymbytepe.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Hechos 1:16

Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

Lucas 16:16

Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.

Hechos 4:36

Kyrã haire mbytepe ẽjyve mbory'ẽshua paire tũpaope, José he'iashuva, Apostolre mbyheembajypy reta Bernabé, he'iseva “mbypya kaviva hapishare”, hokava hai Chiprepe'õ;

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

1 Tesalonicenses 2:3

Shara ore mbe'uharã añetevaĩ mbe'uhape, javyhambape, haimbajy porãmbape mbai japohava, hareka mbavapembaa pota mbytavyhava.