Hechos 12:3 - NandevaBiblia

³ heshamahe Judiore haikavijyveshu hokavarã, pysykajy Pedro. Kova jehu aretepe, pãhã jylevaduramba ho'uava arape.

Hechos 12:3 Referans Kwoze

Hechos 24:27

Mokue ãño kyrã hasa, haivi Felix õhẽ mburuvishaivi hãrã Porcio Festo ichejy hendakuepe. Hãma Felix pota haikavi'ẽ hãndi Judio retarã mbypereso heja Pablo.

Juan 12:43

Haire potãĩ kuaretare mbyveteshu, Tũpa õmombaitẽ verãivi.

Hechos 25:9

Tẽvã Festo pota ẽẽkavi hãndi Judio retarã, pyrãndushu Pablo: Ripotara reho Jerusalenpe nimbivachehaka verã shynonde kova mbai rehe?

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Hechos 20:6

Tẽvã ore õhẽhã Filipoivi varkope, arete pãhã jy'oumbava ryheva hasamarã, hãrã pandepo aravape hipityhashu reta Troaspe, haipe shiu (7) ara pytaha.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Mateo 26:17

Ara õñepyrõhea arete pãhã jylevaduramba ryheva, Jesús mboireare ou hai ẽvãperã pyrãndushu: Mãpera ripota mỹhẽvãha ndekui rykaru verã Pascuape?

Hechos 4:13

Mburuvishare heshama mãrãra Pedro hareka Juan ijeta pyavasu ryheve, hãrã kuaa mondo reta ha'ẽã ñy'ãrãnduvarã hareka mbaimba kuaavarã, mbyrymaĩ reta; kuakavi reta Jesús iko'i hãndia retarã.

Hechos 2:14

Haipe Pedro ñymbou hãndi 11 Apostol retarã hỹnatu ijetarã hei: “Pee Israelvare hareka opaite pikova Jerusalenpe, pikuaa kova hareka pijasaka kavihe kova hai pee verã:

Hechos 12:4

Hãrã Herodes pysykama Pedrorã, mĩje karcepe hãrã mĩngarekokahe urũndy jaty'õ syndarore urũndy syndaro pepenteĩ'ẽva, pya mbijetahe Pascua hasamãrã nohẽka verã tenta hỹnonde.