Hechos 11:26 - NandevaBiblia

²⁶ Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 11:26 Referans Kwoze

1 Pedro 4:16

Tẽvã hasa'asy Cristo jyrojaherã rehe, avypo mymarã; koñeĩ typyraheshu Tũpa kova rehe.

Hechos 26:28

Agripa heishu: Ajejeteima rijapo shyhevi Cristo ryheva.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

Efesios 3:15

opa mbai ẽvã japo vekua, arare hareka yvy'ĩãrẽ,

1 Corintios 14:23

Tẽvã Tũpa hoope pimbatypeĩrã, opaiteva pijetapi ñee kuaahambaperã, iche ou haimba pyndyryhevarã maĩrã Jesús jyrojambahearã, he'ĩãrapope pikuakuaambapiva?

1 Corintios 12:12

Shara Cristo jytũpao ova kuareta hete. Reko opaĩ marãrãngatuva hai ryhevare, tẽvã pente tyreteĩ.

1 Corintios 11:18

Tynonde mbe'uashe jyrojavare pimbatyrã opanda porããpyhevi, hãrã aroja kyrã jehuva.

1 Corintios 4:17

Hãme rãnga amondo Timoteo, shyray ahaihuva hareka jyrojaheva Ñandeja. Haipo pynymymandu'akahekui marãra aiko Ñandeja Jesucristo airojaherã, apyrỹmboiva rãĩmi oparupi hareka Tũpare jyrojavare ñymbatyva retaipi.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 11:22

Tũpao Jerusalenpe'õre kuaama kyrã mbe'uharã, mondo reta Bernabé tenta Antioquiape.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Juan 2:2

Jesús hareka mboireare hãndi mbe'uha jyveshu oho verãre.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 9:19

Haivi õñepyrõ karu pyrãtajy verã. Saulo mbovy ara pytajy hãndi mbo'ehareare Damascope.

Hechos 9:38

Katynga Lida mbyryã'ẽshi Joperã, Jesús mboireare kuaama Pedro haipe'ẽrã mokue kuimbai mondo reta heishu verãre: Narẽ'ãĩte ei Jopepe.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Hechos 14:20

Tẽvã Jesús mboireare ñymbaty jyrehe Pablo. Hãrã hai puãjyrã hykuaĩ ichejy hoka tentape, hareka parejyrã õhejy hãndi Bernabé Derbes kyty.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 14:28

Hãrã Pablo hareka Bernabé heta ara pytavejy mbo'ehareare hãndi.

Hechos 18:27

Hãrã Apolo ohomapo'i tenta Acayaperã, Jesús jyrojaheare heta mykyrẽyshu reta. Hãrã mbyparashu reta kuatia Jesús mboireare haipe'õre myvãhẽ kavi verãre haipe. Vãhẽma oho Acayaperã heta mbory jyve Tũpa pya kavi rupii jyrojavare,

Hechos 19:9

Tẽvã a'ãmore pya mytãta hãrã ñatẽy roja reta, hareka ijeta porãhe reta Tape Py'ahuva kuaretare hỹnonde. Hãrã Pablo syryshi reta hareka raha mbo'ehareare pente kuareta Tirano he'iashua pyrỹmboi'õpe. Haipe opa ara ijetashu reta.

Hechos 20:1

Kuareta opa ikoraiva opamarã, Pablo hẽnoka Jesús mboireare mbarakuaashu verãre, hareka opama ñimiñeeshurã ñykuãkuãvãjy hãndi reta, haivi oho Macedoniape.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Hechos 21:4

Haipe heshaha a'ãmo Jesús mboireare hareka 7 ara kavi pytaha hãndi reta. Espiritu heishu retarã haire heishu Pablo, potamba oho verã Jerusalenpe.

Santiago 2:7

Ha'ẽara kuepi ijeta porãmba jyrehevare tyree kaviva Jesucristo pirojaheva?