Hechos 11:22 - NandevaBiblia

²² Tũpao Jerusalenpe'õre kuaama kyrã mbe'uharã, mondo reta Bernabé tenta Antioquiape.

Hechos 11:22 Referans Kwoze

Hechos 9:27

Tẽvã Bernabé pysyrã hareka raha apostolre õpe. Haipe mbeushu reta mãrãra Saulo hesha Ñanderu Jesús pehupi Damascope hareka mãrãra ijetashu. Mbeujyve mãrãra Saulo Damascope kyjembape mbeu Ñandeja Jesús heepe.

1 Tesalonicenses 3:6

Hãma ã'ẽ Timoteo oujyma Tesalonicaivi hareka mbeu'ore pee pijaihurã hareka poiã pirojarã. Hãma heijy ore jyhaihukue ryheve pynymandua yryreheva hareka pipota yryreshava, ore pota pyndyreshahava rãĩmi.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Hechos 11:1

Apostol reta hareka opaite ñandyryvyre Jesús jyrojahea Judeape'õre, hendu mãrãra haimba Judiore myvãhẽ jyve Tũpa ĩñee.

Hechos 8:14

Apostolre Jerusalenpe'õre kuaama Samariape'õre rojama Tũpa ĩñeerã, mondoshu reta haity Pedro hareka Juan.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Hechos 11:19

Haivi Esteban jukahamarã õñepyrõ pũãhe reta Jesús jyrojaheare, hãrã a'ãmore ñyvãhe Fenicia kyty, Chipre hareka Antioquiape, mbavamba ijetajyheshuare Ñee Kaviva koñeĩ Judiova retapeĩ.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 18:22

Vãhẽma jyraha Cesareaperã oho Jerusalenpe marãndu verã tũpaope'õre, haivi ohojy Antioquiape.

Galatas 2:11

Tẽvã Pedro ouma tenta Antioquiaperã, hovapetei poshy ryheve haishu shara hai porãmbava japo.