Hechos 11:14 - NandevaBiblia

¹⁴ hai heipo ndekui marãra katu rehojepe ndee hareka nysanjayre hãndi”.

Hechos 11:14 Referans Kwoze

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 10:6

Simón mymba pire mba'apo'ihea hentape pyta'iva, yyvasu hymbeype”.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 2:39

Ko ñee me'ẽãva rãnga, pee hareka pyndyrayre pevarã, jaishu opaite Teja ñanu Tũpa hee hẽno'iare pevarã jyve.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 12:50

She aikuaa Sheru heiva hai tykove opamba pevarã. Hãrã opaite, Sheru heisheva rãĩmi hai'ãijyve.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Juan 4:53

Haipe sanjay tuu manduahe hokape kavi Jesús heishua: “Ndyray manoãpo”. Hãrã hai hareka hoope'õre, opaiteva roja reta Jesús.

Lucas 19:10

Shara Kuareta Tay ou heka hareka mondojepe verã kañy vekuare.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

1 Corintios 1:16

Ãñete amyngarai jyve Estefanas hareka henta ĩrũre, tẽvã shymandu'ãjyhe ĩmera'ẽjy ĩrũre amyngaraiva.

Hechos 18:8

Hãrã Crispo sinagogape mĩñakã'õ hareka opaite hentape'õre jyroja jyvehe Ñandeja, hareka heta Corintovare hendu hokava ñeerã, rojarã, ñymyngarai jyve reta.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Hechos 11:13

Hai mbeu ore mãrãra hoo'ipe hesha Ñanderu Tũpa jokueva, ñymbou hyvacherã hei: “Mondo rijokuevare tenta Jope he'iashuape hareka veru nde verã pente kuimbai Simón he'iashua, mbyheavajy Pedro