Hechos 10:43 - NandevaBiblia

⁴³ Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Hechos 10:43 Referans Kwoze

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Romano 10:11

Shara kuatia Mbyparahava hei: “Opaite jyrojaheva, ñymymarãkããpo”.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Hechos 26:22

Tẽvã Tũpa shymboryrã rupii tãnta ãĩ ã'ẽpeve. Ambeu ĩñee opaiteva pevarã, pavetevare hareka ikokatuvare, koñeĩ haijyshu reta ikoverã Tũpa ĩñee mbeu'iare hareka Moisés hei vekua rãĩmi.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Hechos 3:16

Ko kuimbai pyhesha hareka pikuava pyrãtajy shara jyrojahe Jesús hee. Ko jyroja ñonova Jesure myngueraiteshu pee pyheshava rãĩmi.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Colosenses 1:14

hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Romano 3:21

Tẽvã ã'ẽ, arykai ñee me'ẽã vekua rãĩmi ñee mbyparahava japoa verã hareka Tũpa ĩñee mbeu'iare jy'arape, ã'ẽ Tũpa ñanymbyheko kavi tekotẽvemba jajapova ñee mbyparahava japoa verã.