Hechos 10:33 - NandevaBiblia

³³ Haivi ãrẽ'ãĩte amondo ndyreka verã hareka ndypya kavimbaje, rei verã. Ã'ẽ opaite ĩmehã'ẽ Tũpa hỹnonde, henduha verã opaite Ñandeja ñonondeva rỹmbeu ore verã.

Hechos 10:33 Referans Kwoze

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Galatas 4:14

Hoka mbairasykue haijyve pyndypyarãã verã, haĩmbajya hokava mbairasy rehe shymymorãmbapia hareka shyreshatãmbapia. Tẽvã ajemaĩ kyrãte, shymyvãhẽpi jyve peĩvape Tũpa jokueva rãĩmi, hãĩ Jesucristo pymyvãheva.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

Hechos 28:28

Pikuaa kavipo ko Tũpa pyrỹmondojepeva mbe'uhama haimba Judio retape, hãrã haire hendu kavipo kova ñee!

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Mateo 18:4

Ko sanjay rãĩmi ñimimishĩva, hokavapo mbai vasuve huvisha vasu vate arapy'õpe.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

Mateo 19:30

Kyrãpo heta tynonde'õre mbytaykueha, hareka taykue'õre mytynõndehapo.

Hechos 10:32

Mondo ã'ẽ kuimbaire tenta Jopepe, ereshu haipe tyhekakui Simónpe, mbyheavajy Pedro, Simón hentape pyta'iva, mymba pirere mba'apo ia yyvasu hymbeype”.

Hechos 10:34

Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,