Hechos 10:11 - NandevaBiblia

¹¹ Hesha vate arare jypearã hareka vejy ouva yvyre tarapo tivisha ovava, urũndy kavi japy jokuahava.

Hechos 10:11 Referans Kwoze

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 11:19

Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 4:1

Haivima amaĩjy vate araperã ahesha pente õche jypeava. Hãrã ñee tynondeite ahendu vekua trompeta rãĩmiva, heishe: Jupi kope ambishakaponde iko verã.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 2:15

Ñande rãnga hai Judiore jaarãvaĩ, ha'eã mbai porãmba japo'ia hareka haimba Judiore rãĩmi.

Romano 9:4

Hai reta rãnga Israelita, Tũpa pyhỹrõshu reta ta'yrã, Tũpa ẽẽmba hãndi reta heko hĩmbipe vekua ryheve, hareka japo ñee me'ẽãva, meẽshu reta Moisés mbypara vekua, haikavi õmombaivasu verãre hareka ĩñee meẽ.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Hechos 7:56

Hãrã hei: Ahesha vate arapy jypearã hareka kuareta Tay rãĩmi ou vekua ñymboy'ẽ Tũpa jakata kytyrã.

Juan 12:32

Tẽvã shumupu'ãhãjyma yvy'ĩãrẽivirã, opaiteapo arujy shijupekui jyroja shyrehe verã.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Lucas 3:21

Iko kuaretare, opama ñymyngarairã, Jesús ñymyngarai jyve; hãrã ñymboirã vate arapy jypea.

Mateo 8:11

Hãrã haijy pee, heta'ẽ ou verã kuarasy õhẽãivi, hareka kuarasy icheaivi, hãrã vapypo Abraham, Isaac hareka Jacob, karuvasu hãndi verãre huvisha vasu vate arapy'õ,

Hechos 10:12

Hokava tarapo tivishavapy ẽẽ mymbare ipy urũndyva, yvyre poñyva hareka vyrare.

Hechos 11:5

Tenta Jope he'iashuape Tũpa airure ãĩshuape shyresape ou: Ahesha pente tarapo tivishava rãĩmivã, jokuahava urũndy japy retaivi, vejy vate araivi she ãĩvape.