Hechos 1:14 - NandevaBiblia

¹⁴ Haipe haire ñymbaty ñõĩjyre jurure verãre mbovy taupere hãndi, Maria, Jesús ishy hareka tyvyre.

Hechos 1:14 Referans Kwoze

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Hechos 6:4

Kyrã ore jururehapo hareka pyrymbo'ehateripohe Tũpa ĩñee.

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Mateo 21:22

Opava maĩnunga pee pirureshuva Tũpa, pirojakue rupii pipitypo.

Hechos 2:1

Vãhẽma arete Pentekoste he'iashuarã, opaite jyrojavare penteapeĩ ñymbaty reta.

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Lucas 24:53

hãrã haire tũpaopeĩ jyre pyrahe hareka ohovasashu verã Tũpa. Amén.

Mateo 12:46

Jesús ijetateri'ẽ vekua, vãhẽ hai ẽvãpe ishy hareka tyvyre pota ijeta hãndirã. Katoapẽ ĩme ñynoĩ reta:

Lucas 24:10

Kova apostol mbeu vekua mboire vekua retape hai Maria Magdalena, Juana, Maria Jacobo ishy hareka taupere oho hãndivare.

Lucas 23:55

Taupere mi'ĩrũshu vekua Jesús Galileaivive, jyraha maĩhe tã'õvere ẽvãpe, hesha verãre marãra ñonohãpy Jesús hetekue.

Lucas 23:49

Jesús ñi'ĩrũre hareka taupere Galileaivive oho hipi vekuare, mbyryivĩ maĩjyrehe ikova.

Marcos 16:1

Hasama putu'uhava jy'ararã; Maria Magdalena, Maria Jacobo ishy hareka Salome, ova reta mbai pishekatuva raha ñonohẽ verã Jesús hetekue.

Marcos 15:40

Hãma ĩme'ẽjyve haipe taupere mbyryivĩ maĩ ñynõĩ; haire mbytepe'ẽ Maria Magdalena, Maria, Jakobo ndeiveva hareka José ishy, hãndi Salome.

Mateo 27:55

Haipe heta'ẽ jyve taupere mbyryivi maĩ'iare, Jesús mi'ĩrũreare Galileaivive hareka mbory verã.

Lucas 24:33

Haipevãĩmba pũã retarã ohojy reta Jerusalén kyty, haipe hesha 11 õre ñymbaty'ẽrã, hareka ñi'ĩrũre,

Lucas 8:20

Ĩme'ẽ mbeushua Jesús: Ndesy hareka ndyryvyre katuape jyre, pota ndyresha reta.

1 Corintios 14:13

Hãrã ñee kuaambavape ijeta'iare, tirureshu Tũpa tikuaakashu mbaivara he'ise hai hei'õ.