Biblia Todo Logo
Bib sou entènèt

- Piblisite -




Hechos 1:11 - NandevaBiblia

11 heishu reta: Pee Galileavare mãrã'ĩrãra pymãĩpi vate arare? Kova Jesús rãnga hupihajyma vate arapy, pee pyhesha ohojyva rãĩmi katĩĩpo pente arape oujykui.

Gade chapit la Kopi




Hechos 1:11
23 Referans Kwoze  

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.


Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;


Hãrã ijyheshapo kuareta Tay oujy avãpỹntupyrã, mbaikatukue hareka hĩmbipekue ryheve.


Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.


Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.


Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.


Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.


hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.


Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.


Haivi heta aravape Jesús ijeshakajyshu mi'ĩrure vekuare Galileaivi Jerusalen kyty hãrã haire mbeujyveshu tentare hỹnonde.


kyjeite retarã opa ĩñesu reta, tẽvã haire heishu: Marã'ĩrãra pyhekapi manovare mbytepe hykovejya?


Pedro hesha kovarã heishu reta: Marã'ĩrãra pee Israelitare, mbyry pymaĩhe ko ikovare? Marã'ĩrãra pymãĩpi yryrehe, ore mynguerahava rãĩmi kova kuimbai maĩrã ore mbyvatahajya rãĩmi ỹrỹmbaikatu hareka yryrykove mbijicheava Tũpa pevarã rupii?


Haire, mbyrymaĩ retarã, hei: Ha'ẽãra kova ijeta'iare Galileavare?


Tẽvã Pedro hykũãĩ ñomijy, haivi haipe'iare hei jyvyĩshu reta: Ãñete rãnga ãmo nde jyve hai ryhevare, shara Galileava jyve nde.


Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.


Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.


hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.


Hokava opama heirã Jesús, mãĩ ñynoĩheapypeĩ hupiha vate arapy, haipe ãvãpyntu opa jasoirã hãrã heshaveã reta.


Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.


Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.


Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.


Swiv nou:

Piblisite


Piblisite