Hebreos 9:28 - NandevaBiblia

²⁸ Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Hebreos 9:28 Referans Kwoze

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Romano 6:10

Shara Jesucristo mano, mbai porãmba vekuarerã, penteĩ mano hareka opa ara pevarãma; tẽvã ĩmeĩteri'irã, Tũpa pevarã iko.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Romano 8:23

Ha'ẽã hairetaĩ, ñande ñandijehetei jahasa'asy jyve, ajemaĩ ĩmematẽjare Espiritu tynonde me'ẽã ñandeva japity verãvaivi. Ñahãrõteñaĩ Tũpa ta'yrã ñandapo verãpe, hareka ñandyrete nohẽshi verã porãmba vekua.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

Hechos 1:11

heishu reta: Pee Galileavare mãrã'ĩrãra pymãĩpi vate arare? Kova Jesús rãnga hupihajyma vate arapy, pee pyhesha ohojyva rãĩmi katĩĩpo pente arape oujykui.

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

2 Pedro 3:12

Pyhãrõ hareka pyndypyavive pipota tyvãhẽ Tũpa jy'ara. Hokava arape, ara vate'õ õñehundipo tatape hareka opa mbai vate arare'õre opapo shyryry tatape.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Corintios 15:54

Hãma kova ñandyrete ñymbaireiiva ñymondemapy tyrete ñymbaimbarã, hareka ko ñandyrete mano verã ñymondemapy tyrete manoveãma verãrã, haipepo ikokui kuatia mbyparahava hei vekua: “Ñymanokue, opama mambaiha”.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

2 Tesalonicenses 2:1

Shyryvyre, Ñandeja Jesucristo oujy verã rehe, hareka ñaimbaty hãndi verã, jururehape,

1 Corintios 1:7

Hãme rãnga, pyhãrõteripẽĩ Ñandeja Jesucristo oujy verãrã, mba'etyãpope mbai kavikue Tũpa meẽpeva.

Romano 5:15

Hãrã mba'ety, ñamyhã'ãngahe verã ñymbai porãmba vekuare hareka Tũpa mbai meẽreii ñande vekuare. Adán ñymbai porãmba vekua rehe, hetamba manova; tẽvã Jesucristo rupii Tũpa meẽreii ñande mbai vasuiteveva hareka mbai kavi hetavare pevarã.

Hebreos 9:25

Ha'ẽãmba hetajy ñymeẽva ñymbyhaikavi verã Pai ruvisha japo'i vekua rãĩmi Tyrẽnda Kyamba'eiteveva meẽ reta tuvy haimba ña'ãpova pente ãñope.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Hebreos 7:27

Hai ha'ẽã ĩrũ pai vasure rãĩmiva, opa ara ikotẽveva mymba jukahava, tynonde mbai porãmba hai japovare, haivi japo jyvehe tentape'õre pevarã. Tẽvã Jesús penteĩmba haiteiva ñymeẽ jukaha verã hareka opa ara pevarã.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Judas 1:21

Piko Tũpa jyhaihupy, pyhãrõteripẽĩ ara Ñandeja Jesucristo jyparekokue ryheve meẽpe verã tykove opamba.