Hebreos 9:26 - NandevaBiblia

²⁶ Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Hebreos 9:26 Referans Kwoze

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Hebreos 10:4

shara katuã toro hareka kapura huvy opa heky mbai porãmba vekuare.

Hebreos 7:27

Hai ha'ẽã ĩrũ pai vasure rãĩmiva, opa ara ikotẽveva mymba jukahava, tynonde mbai porãmba hai japovare, haivi japo jyvehe tentape'õre pevarã. Tẽvã Jesús penteĩmba haiteiva ñymeẽ jukaha verã hareka opa ara pevarã.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Hebreos 4:3

Tẽvã ñande jarojava jaichepokui putu'uavape, Tũpa heiva rãĩmi: “Hãmeara shyposhyvape shiñee ameẽpe: Icheãpo retakui atuuvape”. Tẽvã añete Tũpa opa japo opaite japo verã, kova yvy jypyite japorã vekuaivi.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.

1 Corintios 10:11

Hãma kova mbai jehushuare ñanytynondevare pyta ñande jahesha verã, hareka mbyparaha ñanymboi verã jaikova ko ara opaserimavape.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Hebreos 10:26

Poiã jajapo mbai porãmba ñandeĩ jaipotarã añeteva jaikuamatẽvã, mba'etymajy yngava ñameẽ verã mbai porãmba vekuare heky verã.

Galatas 4:1

Pota haipeva rãnga kova: Opaite maĩnunga ijarã ndeiteri'irã, hentape jokuearea rãĩmi'i jyve, ajema opaite maĩnunga ijarã ẽẽ jyve hoo'ipe.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 13:40

Ñanava mbatyha hareka hapyava rãĩmi rãngapo, ko yvy opa verã jy'arape.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.