Hebreos 7:28 - NandevaBiblia

²⁸ Ñee mbyparahava rupii rãnga ñonohãmba pai vasu kuaretare ikangyva, tẽvã Tũpa ĩñee meẽva ñee mbyparahava haykue, ñonomba pai ruvisha vasurã Tay, hai mbyheko kavi opa ara pevarã.

Hebreos 7:28 Referans Kwoze

Hebreos 2:10

Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

Hebreos 7:21

Tẽvã Ñandeja Jesús rehe ẽẽ tiñee me'ẽãva. Shara Mbyparahava heimbahe: “Ñandeja ĩñee meẽ hãrã okambiãpojy: Nde hai pai opa ara pevarã, Melquisedec rãĩmi”.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Lucas 13:32

Jesús heishu: Pekua, hãrã pereshu hoka avara: “Ã'ẽ ãmohẽ mbaiposhy hareka apyrỹmynguera ko arape, hãma kõĩjyape, hareka mbahapy arajyapepo ajapo verã opama ajapokui”.

Hebreos 7:24

tẽvã Jesús manomba ryheva hairã, tekotẽvẽã mbyhasa yngavape pa'irã mba'apo verã.

Hebreos 7:3

Mba'ety kuaava mbavara tuu, ishy hareka tynondeshi vekuare; mbaipera oa hareka mbaipera mano. Hãrã hokava pai, ova Tũpa Tay, hai pai opa ara pevarã.

Hebreos 5:5

Kyrãĩ jyve Cristo õñemomba'eã ha'ei pai vasurã iñiñonorã, Tũpa rãnga ñono; hareka heimbashu: “Nde hai Shyray, ã'ẽ hai ndyrehe nde haiva Shyray”

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Juan 19:30

Jesús hou vino irovarã, hei: “Opama iko”. Haivi ñakã mbiroa yvy kytyrã, mano.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.