Hebreos 6:2 - NandevaBiblia

² ñanymbo'eaheva ñymyngaraiva ryheva, ñandepo ñañonova jyrojavare ĩãrẽ, manovare kuerajya, hareka ñimbivache opambava ryheva.

Hebreos 6:2 Referans Kwoze

Hechos 6:6

Haivi veru reta Apostolre ẽvãpe, hãmã haire ñymboishu Tũpa, hãrã ipore ñaka ĩãrẽ ñono.

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.

Hechos 23:6

Haivi Pablo heshama haipe'ẽ jyve Saduseo hareka fariseo retarã hỹnatu hei: Shyryvyre, she hai fariseo, pente fariseova tay, shyveruha kope shara arojashe mano vekuare kuerajy verã.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 16:33

Hoka orapevãĩ pynturã, hai raha joheshi mbypereha vekuaipi, haipevãĩ hai hareka hentape'õre ñymyngaraika reta.

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Hechos 10:47

Hãrã Pedro hei: Katurapo mbava jocha ñymyngarai verã opaite ko kuaretare Espiritu Santo vejyheva, ore rãĩmi?

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Juan 1:33

She aikuãã jyve mbavara hai; tẽvã shymbou vekua apyrỹmyngarai verã yype heishe: “Ryheshama pente kuimbai vejyhe Espiriturã, hokava hai pyrỹmyngaraiva Espiritu Santopy”.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Hebreos 11:35

Ã'ãmo taupere myvãhẽjy hentape henta'ĩrũre manova kuerajy vekua. Ĩrũre opa mano heta nupaharã, shara he'iã reta nohẽãjy verã hejahareishu verã, shara hãrõre reta pente tykove haikaviteveva ouva manovare hykovejymarã.

Hebreos 9:10

Opaite me'ẽãva hareka mymba jukahava koñeĩ ijetahe ho'uavare, mbusururuava hareka hete joheva pevarãĩ ñonoha Tũpa yngava ñonoãjyrã.

2 Timoteo 2:18

yngaipii jyrahashi añeteva. Haire hei ñande jakuerajyape hasamava, hareka kyrãvape a'ãmore jyrojakuepe mykangyshu.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

1 Corintios 10:2

Opaite haire ñymyngarai ãvapyntupy hareka yyvasupy ñimi'ĩrũhe verãre Moisés.

Romano 2:16

Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.

Hechos 26:8

Marã'ĩrãra pyrojãã Tũpa katu mynguerajyva manovare?

Hechos 24:21

Koñei haire hỹnonde asapukerã hai: Ã'ẽ pymaĩpẽĩ shyrehe shara aroja manovare kuerajy verã.

Hechos 24:15

Hãrã haire rãĩmi, ĩme'are jyve ãhãrõva Tũpaivi, mano vekuare kuerajy verã, heko kyambare hareka heko porãmbavare.

Hechos 4:2

Poshy jyreshu Pedro hareka Juan, mboi ñynoĩ kuareta retaperã hareka mbeujyre manovare katu puãjy Jesús puãva rãĩmi.

Juan 5:29

hareka puãjypo ñotỹã vekuaivi. Hãrã heko kavivare kuerajypokui reko verã tykove, tẽvã mbai porãmba japo'i vekuare kuerajypokui jaheahe verã.

Lucas 14:14

hãrã ryvy'apo, shara haire mba'etyre mbyhekoviajypy nde verãre; shara opapo mbyhekoviajy ndekui heko kaviva puãjyma retarã”.

Lucas 12:50

Tẽvã ahasapo jyhasa'asy rupii, ñymyngaraiva rãĩmi; hareka ajepy'apytẽ hãrã aipotama hokava iko!

Lucas 11:38

Hãma fariseo hesha Jesús jypoiã karu verãrã, mbyrymaĩ hesha hokavarã.

Lucas 3:16

tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.

Marcos 7:8

Pee rãnga pijapoã ñeẽ japoha verã Tũpa heiva, kuaretare hei vekuãĩ pijapopirã.

Marcos 7:4

Hãma oujy maĩnunga ovaha'õĩvirã ho'uã ovava ndeiteri joherã, heta ĩmerejy kyrãvã haire jypykuava: Yy ho'uapya joheañõĩpopy, opaite timbiporyre, hareka ochehahea.

Mateo 3:14

Juan potaã myngaraire Jesús, hãrã heishu: Nde rãngate shymyngarai verã! Hãmera nde rei ãĩvãpe?

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Hechos 13:3

Haivi opama karumbape hareka jurureape ñynoĩrã ipo ñono'ĩãrẽ retarã ma'ẽĩhe oho.