Hebreos 6:11 - NandevaBiblia

¹¹ Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

Hebreos 6:11 Referans Kwoze

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

2 Pedro 1:10

Hãrã shyryvyre, piñyhããpo tantakavive pypyta Tũpa pynyrẽno hareka pynypyhỹrõvape, kyrã pijaporã mbaivapeãpo peajykui.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Apocalipsis 2:26

Opaite õhẽkaviva ñyrãrõivi hareka japova aipotava ara japyapeve, ameẽposhu mbai katukue reko verã tentavasu retare,

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

2 Tesalonicenses 3:13

Tẽvã pee shyryvyre, avy piñymykangy pijapo verã mbai haikaviva.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

1 Tesalonicenses 4:10

Kyrã rãnga pijapohe opaite pyndyryvyre ẽẽva tenta Macedoniape. Tẽvã jururehajype shyryvyre pijyhaihukue tupuãve toho opa ara.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

1 Corintios 13:13

Mbahapy'ẽ opamba ryheva; jyrojakue, ñahãrõva hareka jyhaihukue, tẽvã kova mbahapy'ẽvã retaivi haikaviveva hai jyhaihukue.

Mateo 24:13

Tẽvã tãtangatu ẽẽva japypeve, ohojepepokui.

1 Juan 3:19

Kyrãvape ñande jaikuaa añeteĩtevape ñaĩrã, hãrã kyrãrãpo ñandypyavapyñaĩ Tũpa hỹnonde.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Lucas 1:1

Heta'ẽ oñehãã hendape kavi ñonova arykai mbai añeteva ỹrymbytepe iko vekua,