Hebreos 5:9 - NandevaBiblia

⁹ Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Hebreos 5:9 Referans Kwoze

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

Hebreos 2:10

Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

Romano 2:8

Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

2 Corintios 10:5

Ity yvype opaite mbai he'iavare, hareka Tũpa ãrãndure pũãvã, hareka opaite kuaretare pya mbijetava rãĩmi ñonoha Cristo ipope, ĩñee rẽndushu verã.

Romano 15:18

Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Romano 10:16

Tẽvã opaiñoã israelitare myvãhẽ Ñee Kaviva. Isaías heiva rãĩmi: “Sheja, mbavara roja ñee mbe'uava?”

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Juan 19:30

Jesús hou vino irovarã, hei: “Opama iko”. Haivi ñakã mbiroa yvy kytyrã, mano.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Judas 1:21

Piko Tũpa jyhaihupy, pyhãrõteripẽĩ ara Ñandeja Jesucristo jyparekokue ryheve meẽpe verã tykove opamba.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Hebreos 11:40

Opaite kova mbai iko potãã ñandyrehembape haire vãhẽ pota vãhẽvaperã, shara koñeĩpo Tũpa mbyhaikaviteshu kova kuaretare hai opama ñanymbyhaikaviterã.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Lucas 13:32

Jesús heishu: Pekua, hãrã pereshu hoka avara: “Ã'ẽ ãmohẽ mbaiposhy hareka apyrỹmynguera ko arape, hãma kõĩjyape, hareka mbahapy arajyapepo ajapo verã opama ajapokui”.

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Filipenses 2:12

Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.