Hebreos 5:7 - NandevaBiblia

⁷ Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 5:7 Referans Kwoze

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Mateo 27:46

Hãma mbahapy oraipi Jesús hỹnatu sapukerã hei: Eli, Eli, lama sabactani? Hokava he'ise: Shu Tũpa, shu Tũpa, Marã'irãra sheĩĩ shyreja?

Marcos 15:34

Hãma Jesús hỹnatu sapukerã hei: Eloi, Eloi, Lama sabactani? Hokava he'ise: Shu Tũpa, Shu Tũpa, marã'ĩrãra sheĩ shyreja?

Hebreos 12:28

Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.

Juan 11:35

Haipe Jesús jaheo.

Mateo 27:50

Jesús hỹnatu sapukejyrã, haivi mano.

Marcos 15:37

Tẽvã Jesús hỹnatu sapukerã, mano.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Lucas 23:46

Haipe Jesús hỹnatu sapukerã hei: “Sheru, shykove ndepope ãñono”. Kyrãma heirã, mano.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

1 Juan 4:3

Opaite rojambava Jesús kuareta rãĩmi ou vekua, mba'etyre Tũpa ijespiritu; hokava hai Cristo ñymbyvaisho'ihea. Pee pikuama kova espiritu ouñoĩ verã, ã'ẽ ĩmema'ẽ ko'yvy'ĩãrẽ.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

Juan 11:42

She aikuaa shyrẽnduñoĩrã, tẽvã kova kuaretare rehe kyrã hainde, roja verãre nde hai shymbouvarã.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Hebreos 10:5

Hãrã, Cristo ourã ko yvy ĩãrẽrã, heishu Tũpa: “Nde ripotãã mymba jukahava hareka me'ẽãreiva, koñeĩ rymeẽshe pente tyrete.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.