Hebreos 5:12 - NandevaBiblia

¹² Arykaimatẽ pypyrỹmboipi verã, katynga pota hykuaĩ mbe'uajype Tũpa ĩñeepe'õ javaimbatẽvã, jaishu ho'uava tantava peumatẽ verã, kambyĩ pota peupi.

Hebreos 5:12 Referans Kwoze

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

Hebreos 5:13

Sanjay rãĩmi kambyĩ hou'iare, katuaã kuaaha mbaivara haikavi hareka porãmbava.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Corintios 14:19

tẽvã tũpaope'ãĩrã, haikavivepo aipory 5 ñee kuaahavare, amboi verã jyve yngava retape, 10.000 ñee kuahambava hendakuepe.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Hechos 7:38

Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.

Marcos 9:19

Jesús heishu reta: Ko kuareta jyrojambaare! Mbaipeverapo'ãi penendie? Mbaipeverapo aiko pyndyrehe? Perushe kope kunumi ray!

Filipenses 3:1

Ã'ẽ, pee shyryvyre, pyvya katu Ñandeja rehe. She pevarã ha'eã shymangatumba hykuaĩ ha'ĩ ambyparajype kuatiaperã, katynga kova pymborypo pijavymba verã.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

Galatas 4:3

Kyrã iko jyve ñandyrehe. Ñanyndeiterijairã, jokuearea rãĩmi jaiko jyve kuaretare ipope potava rãĩmi.

Hebreos 5:11

Heta'ẽ jaihe verã kova, tẽvã hasy ñambeu kavi verã, shara javaipekuei pikuaaraviĩ verã.

Hebreos 10:32

Pynymanduapohe ara hasa vekuare, hãĩrã Cristo ryheva pikuaarã hareka mbaretepe pijepyhe jyhasa'asy ojaimbava.