Hebreos 3:1 - NandevaBiblia

¹ Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 3:1 Referans Kwoze

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Filipenses 3:14

Ahaterihe ãvãhẽ verã japyape, hareka apity verã me'ẽãreiiva Tũpa ñanyrẽno ñamyvãhẽ verã Cristo Jesús rupii.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 10:21

Hai rãnga ñandy pai vasu, ñyngareko'ẽhe Tũpa hoo.

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

1 Corintios 9:23

Opa mbai ajapo, ajapohe kova Ñee kaviva rehe, shara aipota apity jyve hai rupii sha'ãpova.

2 Timoteo 2:7

Ndypya mbijetahe ko haindeva, shara Ñandeja meẽpo nde ãrãndu opa mbai rikuaa verã.

1 Timoteo 6:12

Ñyrãrõ kavi rirojakuepy; ñimbi'ijahe tykove opamba verã, ha'erã rãnga Tũpa nyrẽnomba aryka'e hareka hetavare hỹnonde rỹmbeu rirojava Tũpare.

Romano 15:8

Hãrã hai pee Cristo ou iko jyve Judiore jokuerea rãĩmi heshaka verã Tũpa ñy'ãñete, opaite ñichĩchĩkavare, heshaka verã Tũpa añeteva ryheva, my'añete verã ñee me'ẽãva ñanytynondeva retape.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

1 Timoteo 6:2

Hãrã ĩme'ẽ pyrokue'õ jyrojavarã avy tijapoã jyveshu hai heiva, shara hai jyve tyvy jyrojakuepe. Japo kaviteve rãngaposhu hai heishua, shara japova hipityva hai jyrojavare hareka ñandyryvyre haihuavare. Kova hai rỹpyrỹmboihe verã hareka mbeushu reta japo verã.

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

1 Tesalonicenses 5:27

Airurepe Tũpa heepe, pimbijetashu verã ko kuatia opaite ñandyryvyre.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

Colosenses 1:12

Hãrã pymeẽposhu pyndy'ajetekue Ñanderu. Shara piniñono kavi me'ẽãpe verã ñana'ãporã Tũpa meẽshu verã heko kyambare koĩvape vata'iare.

2 Corintios 1:7

Ore tãnta jyrojaha pyndyrehe, shara kuaaha marãra ĩrĩmi'ĩrũ ore hasaha'asyvape, kyrãpo ĩrĩmi'ĩrũ jyve yryvy'akuepe.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Romano 15:27

Haikavishu reta ha'ire japo verãrã, japo kavi reta, ajemaĩ hai jyve japoñoĩ verãre. Shara kyrã Judio jyrojavare mbijajao jyveshu espiritu ryheva haire hipityva haimba Judiovare, myvãhẽ jyve reta mbai haikaviva espiritupe, kyrã ẽñoĩjyvepe pymbory verã ñandyryvyre maĩnungape.

Romano 11:17

Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.

Romano 9:24

Kyrã Tũpa ñanyrẽno arykai Judiovare mbyteivi hareka haimba Judiovare.

Juan 20:27

Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Pedro 3:5

Kyrãmba ñymymashỹã arykai taupe heko kyambare, haire jyrojambahe Tũpa hareka opa mbaipemba japoshu imere heiva.

Hebreos 9:11

Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.

Hebreos 6:20

haipemba iche aryka'e Jesús japo ñande verã pente tape, kyrã ikoshi pai ruvisha vasu opa ara pevarã, Melquisedec heko rãĩmiva.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

1 Corintios 10:17

Ñandyretatẽvã, opaiteva pentevaĩ jau pãhã, hãme rãnga ñande hai penteva tyreteĩ.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 7:28

Ñee mbyparahava rupii rãnga ñonohãmba pai vasu kuaretare ikangyva, tẽvã Tũpa ĩñee meẽva ñee mbyparahava haykue, ñonomba pai ruvisha vasurã Tay, hai mbyheko kavi opa ara pevarã.

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

Hebreos 10:19

Hokava rehe shyryvyre, ã'ẽ jyroja ñaĩ jaiche verã Tyrẽnda Kyamba'eiteveva Jesucristo huvy rupii.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.