Hebreos 2:3 - NandevaBiblia

³ marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 2:3 Referans Kwoze

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Romano 2:3

Nde rĩmbivachekariva yngare, kyrãmi rãnga rijapori jyve, mbyryny rijavy. Rĩmoãra katu rỹkañyshi Tũpa ñunupa?

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Lucas 1:2

ỹrymboiva rãĩmi jypyiterãvãĩ hesha vekuare, hareka pyrỹmbory mbe'ua verã Ñee kaviva.

Apocalipsis 7:10

Hareka hỹnatu sapuke retarã hei: Ñymondojepeva ou ñanu Tũpaivi vapyhasepyape vapy'ẽ, Avisha Rayvi jyve.

Tito 2:11

Tũpa jyhaihukue tivishava heshaka opaite kuareta retape, veru ñymondojepeva kuaretare pevarã.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Hebreos 4:1

Hãrã jairykyje, ĩmeterijare ñee me'ẽãva jaiche verã Tũpa putuuvaperã, mahẽ ã'ãmo pee pya mbijeta reta hipitymba verã.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Hechos 1:22

Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Lucas 24:19

Jesús pyrãndushu reta: Mbaivara iko? Haire heishu: Jesús Nazareno ryheva, hai rãnga Tũpa ĩñee mbeu'ia, mbaikatupy japo'ia hareka ñeepy Tũpa hỹnonde hareka opaiteva henta'õre;

Marcos 1:14

Juan Bautista mbyperesohamarã, Jesús oho Galilea kyty mbeu verã Ñee Kaviva Tũpa ẽvãpe'õ ryheva.

1 Tesalonicenses 5:3

Kuaretare heima jyrerã: “Haikavi rãnga ñaĩ hareka mba'ety ñanymbyvyamba'õ”, haivi sapy'aĩpo vãhẽ ĩãrẽ reta ñehũndivasu, taupe purua'ia vãhẽshua rãĩmi mbai hasykue, hãrã mba'etypokui ñemishi verã.

Lucas 1:69

Mbou ñande pente ñymbai katupe ñanymondo jepe'i verã, huvisha vasu David ñymõñashia mbyteivi jokueva.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Romano 11:14

Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

Hebreos 1:1

Aryka'eite Tũpa ijeta hareka opaishareimba heishu ñanytynondevare ĩñee mbeu'iare rupii.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

Judas 1:17

Tẽvã pee, shyryvyre ahaihuva, pynymanduahe ñee Ñandeja Jesucristo jy Apostolre mbeupe vekua.