Hebreos 13:9 - NandevaBiblia

⁹ Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

Hebreos 13:9 Referans Kwoze

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

Romano 14:6

Hãrã pente ara mbyveteveva ĩrũ araivi, kyrã japo Ñandeja pevarã. Hãma opava hou'iare japo jyve Ñandeja pevarã, shara meẽ jyveshu Tũpa jy'ajetekue; kyraĩ jyve maĩnunga houmbare japo Ñandeja pevarã shara meẽ jyveshu Tũpa jy'ajetekue.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Judas 1:12

Kova hai ñanymymarãva karuvasu pijapova piroja handivare, ñymbyu hareka karu reta mbaimba kuaaseva. Ha'eire ñyngareko ijehe. Ova ãvãpyntu jy'yymbava, yvytu kokoty rahava; ova yvyra jy'arapemba'iava, hapo ryheve nohẽãrã opa jipi.

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

2 Tesalonicenses 2:17

tymeẽpe kyrẽ'ỹ hareka pyrãta, pere hareka pijapo verã haikaviva.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 24:4

Jesús heishu reta: Pymãĩkavikui, avy pyma'ẽĩhe mbava pynymbytavykui.

Colosenses 2:4

Kova hai pee potãã mbava pynymbytavypy ñee mashyã'ovarã, tẽvã mba'ety vekua.

2 Corintios 1:21

Tũpa meẽ ore hareka meẽ jyvepe pente ñeepe jaiko verã Cristo rehe, hãme rãnga hai ñanymbyheko kavi.

1 Corintios 8:8

Ha'ẽã rãnga jauva rupii Tũpa ñanymyvãhẽ verã, shara ha'ẽã jakarujairã haikavivejaiva maĩrã jakaruãrã porãmba'eitejaiva.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Romano 14:2

Ñañonoshu, ĩme'ẽ pya mbijetava hou verã opaĩ marãrãngatuva ho'uavare, katynga jyrojakuepe pyrãntambaterivare, koñeĩ hou reta ñotỹhavare ia.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

2 Tesalonicenses 2:2

avy javaimbavape yngai pyndypya pimbijetakui, avy mbava pyrojakui Ñandeja Jesús oujy verã ara vãhemava mbeu'ia. Japupe heiva Espiritu heishuva hokava, maĩrã hoka oreteiva pyrỹmbo'ehama ihea maĩrã kuatiape.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Lucas 5:38

Shara vino py'ahuva mbyhyruañõipo vakapi py'ahuvapy.