Hebreos 13:7 - NandevaBiblia

⁷ Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.

Hebreos 13:7 Referans Kwoze

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Filipenses 3:17

Shyryvyre, piko katu she aikova rãĩmi, hareka pymaĩjyhe kyrã ikovape, pikuaa jyveshi ore ikohava me'ẽhapeva rãĩmi ikovare.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

1 Timoteo 3:5

Hãma hai katũã miñaka kavi hentape iko hãndiarã, marãirapo miñaka kavijy Tũpa jytũpaope?

Hebreos 13:24

Pymarãndushu opaite tũpaope miñaka'ipeare hareka ñandyryvyre Tũpa pyhyrõvare. Italiape'õre mondo jyvepe marãndu.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Corintios 4:16

Hãme rãnga airurejype she aikova rãĩmi piko verã jyve.

Romano 10:17

Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Apocalipsis 6:9

Avisha Ray peajy sello 5 hearã, ahesha altar'ipe jukahavare hykovekue Tũpa ĩñee rehe hareka mbeujyre hokava ñee rehe.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

2 Tesalonicenses 3:9

Ajemaĩ ẽẽte ore jurureharã yrỹmboryñoĩpi verã, tẽvã mba'apohaĩ ho'uava vãhẽhashu verã, kyrã heshahakape, ikohava rãĩmi piko verã jyve.

1 Corintios 11:1

She aikova rãĩmi piko, aikova Cristo rãĩmi.

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Lucas 8:11

Kova rãnga he'ise ñee ñymyhã'ãnga ñimity'ia ryheva: Timity rãnga hai Tũpa ĩñee;

2 Tesalonicenses 3:7

Pee rãnga pikuaa kavi marãrapo piko, pota ore ikohava rãĩmi pikorã; penteã ikohareii pynymbyteipi,

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Lucas 5:1

Pente arape Jesús ẽẽ yyvasu Genesaret hymbeype, kuareta jahe vekua jasoi, hendu verãre Tũpa ĩñee.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.