Biblia Todo Logo
Bib sou entènèt

- Piblisite -




Hebreos 13:15 - NandevaBiblia

15 Hãrã japyraheñoĩposhu Tũpa, Jesucristo rupii. Kova mbyrahe hai mymba jukahava rãĩmiva ñameẽshu verã. Japyraheshu, ñandijuru rupii ñambeu hai hee!

Gade chapit la Kopi




Hebreos 13:15
42 Referans Kwoze  

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.


Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.


Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.


Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.


Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.


Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.


Hãrã pymeẽposhu pyndy'ajetekue Ñanderu. Shara piniñono kavi me'ẽãpe verã ñana'ãporã Tũpa meẽshu verã heko kyambare koĩvape vata'iare.


Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.


She hai õche; she rupii icheva, ohojepepo; iche hareka õhepo koraivi avishare rãĩmi, hareka vãhẽñoĩposhu hou verã.


Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.


Haipe Jesús Espiritu Santo rupii vya'irã hei: Ãrẽmombai vasu Sheru, ara hareka yvy Ija, shara kova mbai rĩñomishi ĩñarãnduvare hareka mbai kuaavare, hãrã rikuaakashu mbaimba kuaavare. Shara Sheru, nde kyrã ripota.


Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.


Swiv nou:

Piblisite


Piblisite