Hebreos 12:9 - NandevaBiblia

⁹ Hareka jyve ñanderure ko yvy'ĩãrẽ ñanunupamba jyve ñanyndeiterirã, hareka jajapombashu heivare. Marã'ĩrãra Tũpa heiva jajapoãpo jyveshu, ñane'ãkue Tuu, ĩmejare verã tykove opambava?

Hebreos 12:9 Referans Kwoze

Juan 3:6

Opaite tyro'oivi oava, hai tyroo; hãrã oava Espirituivi, espiritu jyve.

1 Pedro 5:6

Peñemomishĩkatu Tũpa ñymbaikatuva ipope, jy'arape kavi vateve piniñono verã.

Santiago 4:7

Piñyñono Tũpa ipope, tanta piñyñonoshi Ãña, hãrã hai ñyvãhẽpo pyndyhevi.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Santiago 4:10

Piñesu Ñandeja hỹnonde, hãrã hai vatepo piniñono.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

Romano 1:3

Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,

Hechos 2:30

Tẽvã David hai Tũpa ĩñee mbeu'ia, kuaakavi Tũpa meẽshu ĩñee ñono verã pente tay mburuvisha vasurã.

Lucas 18:2

Heishu reta: Ĩmemba'ẽjy pente tentape huvisha pirĩmbivachese'ia Tũpa kyjemba'ishia, hareka kuaretare.

Lucas 18:4

Heta ara ko huvisha pirĩmbivache'ia ñatẽy japo jurureashua, tẽvã hei pyape: “Ajema Tũpa akyjeãshi hareka mba'eãjyshe shapisha,

Apocalipsis 22:6

Tũpa jokueva heishe: “Kova ñee hai añetevare hareka katu jairojaheva. Teja rãnga hai meẽ vekua Espiritu Tũpa ĩñee mbeu'ia retape, mbou hai jokueva mbyheshaka verã jokuerea retape ikoserimava”.