Hebreos 12:27 - NandevaBiblia

²⁷ Hãma hei kova “pentemapo”, kuaaha opapo hekyha mbai japoha vekua retarã, kova hai katu my'õmyãvare, pyta verã õmymbare.

Hebreos 12:27 Referans Kwoze

1 Corintios 7:31

Hãma maĩnunga ko yvy'ĩãrẽ'õva pory'iare, tiko pory kavimba rãĩmi; shara ko yvy jaheshañaĩva opaserima.

Mateo 24:35

Ara hareka yvy opapokui, tẽvã shiñee opããpokui.

Apocalipsis 21:1

Hãme ahesha pente ara vate'õ py'ahuva hareka yvy py'ahuva, shara ara vate'õ hareka yvy tynonde ẽvãre mba'etyma, kyrãĩjy yyvasure.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.

Romano 8:21

japoa vekuare opa ma'ẽĩjyhe verã opa mambaia verãĩvi hareka porãmbape jokuehareirea. Hipity verã vya hĩmbipeva opa nohẽãjy verãpe Tũpa tayre.

Hebreos 1:10

Hãrã heijyveshu: Sheja, õñepyrõaivive ko yvy jypyrã rĩñono hareka ara vate'õvare hai ndepope rijapovare.

Hebreos 9:11

Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.

Hebreos 13:14

Ko yvy jerekuepe mba'etyjare pente tenta opa ara pevarã, koñeĩ jaha jai jykoty jaheka hokava tenta ou verã.

Apocalipsis 21:4

Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.