Hebreos 12:24 - NandevaBiblia

²⁴ Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 12:24 Referans Kwoze

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

Hebreos 11:28

Moisés jyrojaiterã õñepyrõ mby'arete Pascua hareka kytykahe onchere avisha huvykuepy, potamba Tũpa jokueva puruka ouva pokohe verã Israelitare tayre tynondeva.

Hebreos 11:4

Jyrojakue rupii Abel meẽshu Tũpa mymba jukahava ryheva haikaviveshia Caín. Hãrã Tũpa ñonoshu Abel heko kaviva hareka Tũpa myvãhẽshu hai meẽva. Ajema Abel manoma, ijetateri jyrojakue rupii.

Hebreos 8:6

Tẽvã ã'ẽ ñandy Pai Vasure me'ẽãshuhai japo verã haikaviveva. Kyrã, ñee me'ẽãva py'ahuva hai veruva tivishaveshi tuja vekuaivi, shara ou ñee me'ẽãva haikavitevevaivi.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Mateo 23:35

Kyrãpo opa oa pyndyrehekui pijapo vekua hareka heko kavivare jukaha vekuare ko yvy'ĩãrẽ, Abel heko kavi vekua manoivivee, Zacarías Berekias tay ñymanopeve, hai hokava pijuka vekua tũpaope hareka altar mbytepe.

Lucas 22:20

Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 9:21

Kyrãmi jyve momohẽ jyvehe tuvy tabernáculo hareka opava hapype poryavare.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 7:22

Hãme rãnga Jesús my'añete ñande ñee me'ẽãva haikaviveva tynonde vekuaivi.

Lucas 11:51

Hãma Abel huvykueivive Zacarías huvykuepeve, jukaha vekua altar hareka tũpao pãũpe. Ãñete hai pee, opaiteva jaheapo pyndyrehekui hokava rehe.

Marcos 14:24

Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.

Hebreos 8:8

Tẽvã Tũpa hesha porãã hokava kuaretare, hareka hei: Oupokui ara ajapo verã ñee me'ẽãva py'ahuva Israel hareka Juda hãndi, Ñandeja hei.

Galatas 3:20

Tẽvã Tũpa ĩñee meẽma Abrahamperã, haiteiva japo.

Hebreos 8:13

Tũpa ijeta py'ahujyhe ñee me'ẽãvãrã he'ise tynonde ñee me'ẽã vekua tujama, hareka tujamarã opaserima kañy.

Hebreos 9:19

Shara Moisés mbeumashu opaite Israelitare ñeẽ japoha verãrã, heky vakaray huvy handi kapuraray huvy hareka yy mbihia, haivi heky avisha haa pyntava hareka pente isopo hãka, momohẽhe verã kuatia ñee mbyparahava hyru hareka jyve opaite israelitare.