Hebreos 12:14 - NandevaBiblia

¹⁴ Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Hebreos 12:14 Referans Kwoze

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

1 Pedro 3:11

tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

Romano 12:18

Katura piñyhãã piko kavi hãndi opavare.

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

Hebreos 12:10

Ñanderu reta rãnga ko yvy'ĩãrẽ mbovy arapeĩ ñanunupamba, haikavi ñande verãpe; tẽvã Tũpa ñanunupa hai rãĩmi ñañymbyheko kyamba verã.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

1 Pedro 3:13

Hãrã, mbavarapo porãmba japo pyndyrehe, potañoĩ pijapo haikavivarã?

Marcos 9:50

Haikavi rãnga juky; tẽvã hymboshyveãmarã, mbaivaperapo pyporyjykui? Pyreko juky pyndypyape, hareka opavare piko kavi hãndi.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

Lucas 1:75

teko kavivape hareka hekope kavi hai pevarãĩ jaiko, jajapo mbaikavi opa ara ñandyrykovepe.

2 Timoteo 2:22

Syryshi porãmba kunumire japoseva hareka heka teko jyvache, jyrojakue, jyhaihukue hareka pyavapy, hãndi opaite pya kyamba ryheve Ñandeja õmombai vasu'iare.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

Filipenses 3:12

Ha'eã ãvãhẽmava japype, maĩrã haikavitema ãĩva, katynga ahaĩterihe tynonde ãhãrõ apitypeve Cristo Jesús shipityva rãĩmi jyve.

2 Corintios 6:17

Pẽhẽshi haire mbyteivi, hareka pysyryshi; avy pypokohe mbai kyavare hãrã she apyrỹmyvãhẽpokui.

1 Corintios 13:12

Ã'ẽ jaheshakaviãteri, sypeva jykua kavimbapya rãĩmi jykuaakaviã; katy pente arape jaheshakavipokui. Ã'ẽ aikuakaviãteri, tẽvã pente arape aikuaa kavipokui Tũpa, hai opakavi shykuava rãĩmi.

Galatas 3:21

Kovara he'ise mbyparaha vekua ñymbyvaishoheva Tũpa ĩñee meẽ vekua? Mba'ety! Moisés mbypara vekua meẽ tykoverã, ãñete haivimbapo ou ñymbyheko kavikue.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.