Hebreos 11:27 - NandevaBiblia

²⁷ Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

Hebreos 11:27 Referans Kwoze

Hebreos 11:13

Opaite hokava kuaretare jyrojakue rupii ikovare opa mano hipitymbava Tũpa mbeu vekua, katynga mbyryivi hesha reta hareka kuamondo reta haire ouiva ko yvy'ĩãrẽ mbyryivi ouva rãĩmi.

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

Hebreos 11:1

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

Hebreos 10:32

Pynymanduapohe ara hasa vekuare, hãĩrã Cristo ryheva pikuaarã hareka mbaretepe pijepyhe jyhasa'asy ojaimbava.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Corintios 13:7

Japyryraihu he'ise opa mbaipe jahasa'asy, jairoja, ñahãrõ, hareka opa mba'e jepyhe.

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

Hechos 2:25

Mburuvisha vasu David, Jesure ijetarã hei: Aheshañoĩ are Ñandeja shynonderã, shara hai ẽẽ shakata kyty, hãrã mba'ety shirity verã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Marcos 4:17

tẽvã hapo pukuãrã kỹã'ẽ, hãma oushu mbai porãmbarã, poi jyroja.

Mateo 24:13

Tẽvã tãtangatu ẽẽva japypeve, ohojepepokui.

Colosenses 1:15

Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.