Hebreos 11:26 - NandevaBiblia

²⁶ Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Hebreos 11:26 Referans Kwoze

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Hebreos 10:35

Hãme avy pypoi pirojahe Tũpa, shara hokava pirojaheape me'ẽãpope me'ẽhareiva ojaimbava.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

Hebreos 2:2

Shara Tũpa jokuevare hei vekua añete hareka opaite mbai porãmba japo vekuare hareka ñee henduã retarã hekope kavi nupãha,

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

Lucas 14:14

hãrã ryvy'apo, shara haire mba'etyre mbyhekoviajypy nde verãre; shara opapo mbyhekoviajy ndekui heko kaviva puãjyma retarã”.

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

Hebreos 13:13

Hãme rãnga ñande ñahẽpo jyve hãndi Jesús hareka ñaĩpo jyve hai rãĩmi jahasa'asy verã.

Hebreos 10:33

Ã'ãmo peevare ĩme'ẽ poshyashuare kuaretare hỹnonde hareka kuaretare pyndyreko'asymba, hareka ãmope piñimi'ĩrũhe kyrã rekohavare.

Filipenses 3:7

Opaite kova mbai haikavishe aryka'e, Cristo ahaihu rupii, ã'ẽ mbaiveãma she arykai ambyhaikavi areva.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Mateo 10:41

Ĩme'ẽ mỹvãhẽva ko Tũpa ĩñee mbeu'ia hairã, Tũpa mbyhekoviañoĩposhu Tũpa ĩñee mbeu'ia mbyhekoviashuva rãĩmi. Ĩme'ẽ myvãhẽva kuimbai heko kavivarã, Tũpa mbyhekoviajyposhu ko kuimbai heko kaviva Tũpa heiva japo'ia rãĩmi.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Lucas 14:33

Kyrã, ĩme'ẽ peeva opa kavimba heja opava maĩnunga ĩmerevarã, katuãpo ikoshi amboi'area.