Hebreos 11:10 - NandevaBiblia

¹⁰ Shara Abraham jyroja katu mbai arape hesha verã hokava tenta ĩmereva jypy tanta'õ, Tũpa hai myha'ãngava hareka mupuã verã.

Hebreos 11:10 Referans Kwoze

Hebreos 13:14

Ko yvy jerekuepe mba'etyjare pente tenta opa ara pevarã, koñeĩ jaha jai jykoty jaheka hokava tenta ou verã.

Filipenses 3:20

Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

Hebreos 3:4

Shara opaite oo reta ĩmeñoĩpo'ẽ mbava japova, tẽvã opava maĩnunga ẽẽvare japova hai Tũpa.

Juan 14:2

Sheru hentape heta'ẽ pynyrẽndarã; kyrããrã, ãmbe'ũãmbapope, aha ãmyhẽvãpe verã pynyrẽndarã.

Apocalipsis 21:2

Hareka aheshajy tenta kyamba, Jerusalen py'ahuva, vate araivi vejyva, Tũpa ẽvãivi, myhẽvãhava tyrekorã ñymymashiãva, temerã vãhẽma ourã pevarã.

Hebreos 12:28

Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.