Hebreos 10:5 - NandevaBiblia

⁵ Hãrã, Cristo ourã ko yvy ĩãrẽrã, heishu Tũpa: “Nde ripotãã mymba jukahava hareka me'ẽãreiva, koñeĩ rymeẽshe pente tyrete.

Hebreos 10:5 Referans Kwoze

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Hebreos 1:6

Hareka hykuaĩ Tay Tynondeva mbou ko yvype, hei: Tõmombai vasushu opaite Tũpa jokuevare.

Hebreos 10:7

Hãme rãnga hai: “Kope ãĩ, Tũpa, ajapo verã nde ripotava, he'iha shyreheva rãĩmi kuatia ĩñeepe”.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

Hebreos 8:3

Opaite pai vasure ñonoha mbishaka verã Tũpape me'eãva hareka mymba jukahava me'ẽhava Tũpa pevarã, hãme rãnga Jesucristo ĩmeñoĩpore jyve meẽ verã.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Mateo 11:3

Ndera hai Cristo ou verã, maĩrã ĩmera'ẽjy yngava hãrõha verã?

Lucas 7:19

mondo Jesús ẽvãpe pyrãndushu verã, haira nde Cristo ou verã, maĩrã ĩmera'ẽjy ynga hãrõa verã?

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 10:8

Tynonde hei: “Ripotãã mymba jukahava hareka me'ẽhaiva heko porãmbare rehe hareka hapyavare hareka yngava rehembaa mbai porãmbare hekyshi verã; ndypya oho'ãĩteijyhe opaite hokavare me'ẽhaiva, ajema ñee mbyparahavape kyrãte ñonovare”.