Hebreos 10:26 - NandevaBiblia

²⁶ Poiã jajapo mbai porãmba ñandeĩ jaipotarã añeteva jaikuamatẽvã, mba'etymajy yngava ñameẽ verã mbai porãmba vekuare heky verã.

Hebreos 10:26 Referans Kwoze

Juan 9:41

Jesús mbyhovai: Pee hai jyve heshamba kũvãĩpiarã, mba'etytẽpyre verã mbai porãmba vekua. Tẽvã pere pyheshapiarã, oapo pẽãrẽ mbai porãmba pijapo vekua.

Lucas 12:47

Hãma ko jokuehareirea kuaa kavi mbaivara oo ija pota, tẽvã õĩkaviã hareka japoãshu ĩñe'ẽrã, hetapo nupãhã.

Santiago 4:17

Ĩme'ẽ mbai haikaviva katutẽ japova, japoarã, mbai porãmbama japo'ẽ.

1 Juan 5:16

Ĩme'ẽ hesha tyvy jyrojava jyve japo pente mbai porãmba ñymanope pyryrahambavarã, jururepo'ĩãrẽ hãrã Tũpa meẽposhu tykove hokava kuareta, ha'ẽã mbai porãmba ñymanope pyryrahavarã. Ĩme'ẽ pente mbai porãmba ñymanope pyryrahava, hareka she ha'ẽãpe pirure'ĩãrẽ verã kova mbai poramba japovare.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

Juan 13:17

Pikuaa kavi kovarã, hareka pijaporã pyvy'apokui.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.