Hebreos 10:20 - NandevaBiblia

²⁰ Pe py'ahuvaipi hareka hykoveva pea ñande tarapo jochahapya rupii, kova hai hete rupii.

Hebreos 10:20 Referans Kwoze

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 10:9

She hai õche; she rupii icheva, ohojepepo; iche hareka õhepo koraivi avishare rãĩmi, hareka vãhẽñoĩposhu hou verã.

Hebreos 9:3

Hãrã tarapo jochahapya mokuehea kupepemba'ẽ ñyvyĩ mokuehea mbyheeava Tyrẽnda Kyamba'eiteveva.

Hebreos 9:8

Hãrã hokava rupii, Espiritu Santo ñanymboi katumbateri jaiche verã Tyrẽnda Kyamba'eitevape ĩmeĩteri'ẽ tabernáculo tynonde vekuarã.

Hebreos 6:19

Kova jarojava pyrãta'ẽ hareka tanta'ẽ tykovepe, varko mymbytahapya rãĩmi. Kova jarojava vãhẽ oho tũpao vate arape'õ tarapo jochahapya kutyve,

Juan 10:7

Haipe Jesús hykuãĩ heijyshu reta: Añetevape haijype: She hai õche avishare iche'õĩpi.

1 Juan 4:2

Kyrãpo pikuaakui haira Tũpa ijespiritu; opaite kuareta heiva Jesucristo ouva kuareta rãĩmi ko yvy'ĩãrẽ, hokava hai Tũpaivi ouva.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Lucas 23:45

Kuarasy opa tĩmimbi hareka tũpao pe'õ tarapo jochahapya mbyteipitei soro.

Marcos 15:38

Hãrã tũpaope'õ tarapo jochahapya mbyteipitei soro, vateivi yvykyty.

Mateo 27:51

Hãrã mondii tũpaope'õ tarapo jochahapya mbyteipitei soro, vateivi yvykyty. Yvy opa ryry hareka ita opa jeka.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

Efesios 2:15

Heteteiva rupii Cristo mby'opa Moisés mbypara vekua rekova japoava hareka ñeẽ japoa verã, hãrã japoshi mokueivi pente tenta py'ahuva ñymypente hãndia rupii. Kyrã ñono pyakavi Judiore hareka haimba Judiovare pãũpe.