Hebreos 10:14 - NandevaBiblia

¹⁴ Shara pente mbai me'ẽãva rupimba añeteĩte mbyhaikavi opaite Tũpape ñymyngyambava.

Hebreos 10:14 Referans Kwoze

Hebreos 10:1

Moisés mbypara vekua rãnga hai pente haikaviva heshaha verã Tũpa meẽ ñande verã. Hãrã mbyparahava katuã añeteĩte mbyhaikavi ñono opaite ãñope raha mymba jukarã meẽñoĩva Tũpa pevarã.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 7:19

Shara Moisés mbypara vekua mba'ẽã mbyhaikavi, tẽva ã'ẽ jairojamahe ñyhãrõ kavipe, hokava heja ñande ñaimbojahe verã Tũpa.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Hebreos 9:10

Opaite me'ẽãva hareka mymba jukahava koñeĩ ijetahe ho'uavare, mbusururuava hareka hete joheva pevarãĩ ñonoha Tũpa yngava ñonoãjyrã.

Hechos 26:13

Tẽvã pehupi, shuruvisha vasu, ndoceipimarã ahesha vate araivi sape shyreheva, kuarasyivi himbipeveva opa mykõĩshuri hareka aha hãndivare juri.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.