15 Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.
Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.
hãrã pymondepo tykove py'ahu, Tũpa japo vekua hekope kavi. Hokava heshahapo pyndyrehe, pyndyreko katu kaviape hareka kyambape, hãndi añetevape pikorã.
Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.
Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.
Pire chĩchĩãva mba'ẽã rãnga; hareka kyrãĩjy chĩchĩãmba mba'ẽãjy, koñeĩ haikavive jajapo ñeẽ japoa verã Tũpa ña'ãpova.
Shara añeteĩte Judiova ha'ẽã Judio ikova rãĩmi ikova, hareka heshahahe verã rãĩmi hetere chĩchĩkava.
Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.
Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.
Ajemaĩ haimbatẽ hai pire chĩchĩavare, tẽvã japo hai reta Moisés mbypara vekuarã, Tũpa ryheva retama jyve, ajemaĩ pire chĩchĩkambatẽãre.
Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.
Heteteiva rupii Cristo mby'opa Moisés mbypara vekua rekova japoava hareka ñeẽ japoa verã, hãrã japoshi mokueivi pente tenta py'ahuva ñymypente hãndia rupii. Kyrã ñono pyakavi Judiore hareka haimba Judiovare pãũpe.
Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.